ଚଉପଦୀ - ବାଇଆଣୀ ଲୋ
ଚଉପଦୀ - ବାଇଆଣୀ ଲୋ
କବି - ହାଡି ଦାସ
ଶୁଣ ହେ ସୁଜନ ଜନ ।
କେଉଟୁଣୀ କୋଳେ ଧରି ନନ୍ଦନ ।
ବାଇଆଣୀ ଲୋ ।
ଚୁଡ଼ା କୁଟେ ଘନ ଘନ । ଘୋଷା ।
ମନ ରଖି ଚୈତନ୍ୟରେ ।
ଧ୍ୟାନ ଲାଗିଅଛି ଅଣସୂତ୍ରରେ ।
ବାଇଆଣୀ ଲୋ ।
ଚନ୍ଦ୍ର ସୂର୍ଯ୍ୟ ଚାଲେ ଖରେ । ୧ ।
ଝୁମୁଟି ଲୀଳା ଲାଗିଛି ।
ବାମହସ୍ତ ଗୋଟିକି ରଖିଅଛି ।
ବାଇଆଣୀ ଲୋ ।
ଝୁମୁଟି ନାଚ ଲାଗିଛି । ୩ ।
ସୁନା ପିଞ୍ଜରୀରେ ପାରା ।
ଶୂନ୍ୟେ ରହିଛି ଶୂନ୍ୟେ ଯିବ ପରା ।
ବାଇଆଣୀ ଲୋ ।
ଶୂନ୍ୟକୁ କର ଆସରା । ୪ ।
ଭରାଣ୍ଡି ଯମ ଯନ୍ତ୍ରଣା ।
ଆଖି ଥାଉ ନ ହୁଅ ଦିନକଣା ।
ବାଇଆଣୀ ଲୋ ।
ହାଡ଼ି ନ ପାଏ ଠିକଣା । ୫ ।