ଚଉପଦୀ 96

ଚଉପଦୀ

96

ରାଗ-ମୁଖାବରୀ-ଆଠତାଳି

ପାରିବୁ କି, ରସେ ହାରିବୁ ରେ (ଘୋଷା)

ନବଖଣ୍ଡ ମେଦିନୀ-ମଣ୍ଡନା ଜୀବଧନୀ

ଋଷିମନମୋହିନୀ ଶ୍ରୀମୁଖେ ତୁମ୍ଭ ଘେନି (1)

ତୁ ତ ନ ଜାଣୁ ରତି, ମତ୍ତ ବାରଣଗତି

କିପରି ଆଜ ରାତି ପତି ସଙ୍ଗତେ ମାତି (2)

ଗେଲାଇ ନାହିଁ ନାହିଁ, ଭାଷେ ଚନ୍ଦ୍ରମାମୁହିଁ

କେଳିତଳପେ ରହି କରଜ ଦାଉ ସହି (3)

ଭଲା ତା’ ନାସାମଣି, ମୋ ମନ ନେଲା କିଣି

ରତି-ସମରେ ଜିଣି, ତାହାକୁ କିଣିଆଣି (4)

ଚକ୍ର କରି ନୋଥକୁ, ମାରି ମନମଥକୁ

ପୂର୍ଣ୍ଣ ମନୋରଥକୁ ଜଳନ୍ତର ନାଥକୁ (5)

କବିସୂର୍ଯ୍ୟ ବଳଦେବ ରଥ