Library
Profile
ଚଉପଦୀ (30)
ଚଉପଦୀ (30)
1 min
244
ଚଉପଦୀ
(30)
ରାଗ- ଭୈରବୀ -ଆଡତାଳି
କାହିଁ ଲୁଚାଇ ସେ ସ୍ନେହ, ଚାହିଁଲୁ ଧରା ରେ (0)
ମଦନ- ଦର୍ପଣଝଳି - ସଦନ ସସ୍ମିତ କେଳି
ବଦନ ବିମୋଦ ନତ ଅଙ୍ଗୀ ନକରା ରେ (1)
ଅରୁଣ ଓଷ୍ଠି ରୁଚିର - ଚରଣ ପଙ୍କଜ ତୋର
ଶରଣ ତୁ ପରା ମୋର ମଉଳି - ଝରା ରେ (2)
ଠିକ ଯୁବ ମଦ ଜଳ - ପିକଭାଷୀ ତୋ ତାମ୍ବୁଳ -
ପିକଦାନୀ ଦାନୀବର ମୋ କରେ ଧରା ରେ (3)
ମନକୁ ମ୍ଳାନ ନକର - ଘନ କୁନ୍ତଳା ମୋହର
ଧନକୁ ଜୀବନକୁ ତୁ ଅଧିକ ପରା ରେ (4)
ଶଶୀହାସୀ ମାର ମଦେ - ଇସି ଭାଷି ମୋର ହୃଦେ
ଠେସି ଦିଅ ପୀନସ୍ତନ କନକ ଗରା ରେ (5)
ବସୁ ଦୁର୍ଗନାଥ ବୋଲେ - ବସୁମତୀ - ଭୂଷା ଗେଲେ
ରସୁ ଲେଖା ହେଳେ ସ୍ମର ଦୁଃଖ ପାଶୋରା ରେ (6)
କବି ସୂର୍ଯ୍ୟ ବଳଦେବ ରଥ
