ଚଉପଦୀ (140)

ଚଉପଦୀ

(140)

ରାଗ-ସାରଘଂ-ଏକତାଳି

ମୋହନା, ମୋ ଅଙ୍କକୁ ଆସରେ (ଘୋଷା)

ଦୁଃଖନଦ ଭେଳା, ଶୁଚି ସ୍ମିତ ଖେଳା

ମଧୁରାରୁଣ ରଦବାସରେ (1)

ନୟନରୁ ବାରି, ପ୍ରସରି ନିବାରି

ଭିଡିଦେ ଥରେ ଭୁଜ ଫାଶରେ (2)

ଖଳଜନ ବାଣୀ, ହୃଦୟକୁ ହାଣି

ରୁଷନା ଧନ ନିଜ ଦାସରେ (3)

ତୋ ମଣୁ କଠାଉ, ବହି ଦିନ ଯାଉ

ନ ଛାଡୁ ମୋର ମୁହାଁସ ରେ (4)

ଗିର କର ଆହା, ସରିଲିଟି ଚାହାଁ

ମଦନାନନ୍ଦନିଳ ଝାସ ରେ (5)

ଚୁମ୍ବନ ବିଧାନେ, ମଧୁରସ ଦାନେ

ହର ମୋ ମରମ ପରାଶ ରେ (6)

ବସୁଦୁର୍ଗ ରାଜା ସୁଖେ କର ତାଜା

ରସିଯା’ ତଳପ ବିଳାସ ରେ (7)

କବିସୂର୍ଯ୍ୟ ବଳଦେବ ରଥ