ଚଷମା

ଦିଶେ ନାହିଁ ଭଲ ମଣିଷ ଆଖିକୁ

ଥିଲେ ଦୃଷ୍ଟି ଦୁର୍ବଳତା

ନିକଟ ବା ଦୂରେ ଦୃଶ୍ୟେ ରହେ ଦୋଷ

ଦିଶେ ଅବା ଯୋଡା ଯୋଡା ।

କରାଯାଏ ଚକ୍ଷୁ ପରୀକ୍ଷା ନୀରିକ୍ଷା

ଦୃଶ୍ୟ ଗ୍ରାହଣିକ ଶକ୍ତି

ଦକ୍ଷ ବିଶେଷଜ୍ଞ ପରାମର୍ଶ କ୍ରମେ

ଚଷମା ଜରୁରୀ ଅତି ।

ଉତ୍ତଳ ଅଥବା ଅବତଳ କାଚ

ଚଷମାର ବ୍ୟବହାର

ସଠିକ କରଇ ଦୃଶ୍ୟ ଆଗ୍ରହଣ

ଦୃଷ୍ଟି ହୁଏ ତ୍ରୁଟି ଶୂନ୍ୟ ।

ବଢିଲେ ବୟସ ଦିଶେ ଝିଲିମିଲି

ଲାଗଇ ଚାଳିଶା ଦୋଷ

ପଠନ ନିମନ୍ତେ ଅତି ଆବଶ୍ୟକ

ଚଷମା ବା ଯବକାଚ ।

ସୁଖ ଅବା ଦୁଃଖେ ଆଖିରୁ ବହଇ

ଅତ୍ୟଧିକ ଲୁହ ପାଣି

ଅଠା ଅଠା ପରି ଉପଜ ଲେଞ୍ଜରା

ଆଖି କୋଣେ ଯାଏ ଜମି ।

ଉତ୍ତମ ଭାବରେ ଚକ୍ଷୁ ପ୍ରକ୍ଷାଳନ

ସୁରକ୍ଷା ଉପାୟ ଯତ୍ନ

ଅଟେ ହିତକର ଦୃଷ୍ଟି ସମ୍ବର୍ଦ୍ଧକ

ଉପଯୁକ୍ତ ଖାଦ୍ୟପ୍ରାଣ ।

ବାୟୁ ମଣ୍ଡଳର ସୂକ୍ଷ୍ମ ଧୂଳିକଣ

ପ୍ରଦୂଷିତ ବର୍ଜ୍ୟକଣ

କରନ୍ତି ଅନିଷ୍ଟ ପତଙ୍ଗ ଦ°ଶନ

ଅସହ୍ୟ ପୀଡା ଜ୍ଜ୍ୱଳନ ।

ଉଜ୍ଜ୍ୱଳ ଆଲୋକ ଦୁଃଖ ଅବସାଦ

ଅତ୍ୟଧିକ ଦୃଷ୍ଟି ଚାପ

ଏଡିବାକୁ ହେଳେ ପ୍ରଚକ୍ଷୁ ପ୍ରକୃଷ୍ଟ

ଚଷମା ରକ୍ଷା କବଚ ।