ଚନ୍ଦ୍ରପୃଷ୍ଠେ ଓହ୍ଲାଇଛି ଚନ୍ଦ୍ରଯାନ
ଚନ୍ଦ୍ରପୃଷ୍ଠେ ଓହ୍ଲାଇଛି ଚନ୍ଦ୍ରଯାନ
ଚନ୍ଦ୍ରମାଁମୁକୁ ଦେଖାଇ ଶୁଆଉ ଥିଲା ମୋ
ବୋଉ ନାନା ଗୀତ ଗାଇ
ରଚିଲେ ଇତିହାସ ଚନ୍ଦ୍ରକୁ ଛୁଇଁ, ଦେଖିବାକୁ
ମୋ ବୋଉ ଆଜି ନାହିଁ ।
ପୂର୍ଣ୍ଣିମା ଆକାଶେ ଦିଶଇ ଚନ୍ଦ୍ରମା, କେତେ
କେତେ ଭାବନା ଆଣଇ
ଚନ୍ଦ୍ରକୁ ନେଇ କବିର କେତେ କେତେ କଳ୍ପନା
ର ଉପମା ମନେ ପଡଇ ।
ଦିନ ଥିଲା ଦେବତା ଭାବିଣ ଏହି ମନୁଷ୍ୟ
ଦିନେ କରୁଥିଲା ଚନ୍ଦ୍ରକୁ ପୂଜା,
ବିଜ୍ଞାନ ମତେ ଚନ୍ଦ୍ର ଏକ ଉପଗ୍ରହ, ପାଦ
ଦେଇ ଉଡାଇଲେ ବିଜୟ ଧ୍ଵଜା ।
କବି କଳ୍ପନା ଥିଲା ଦିନେ ନା ଦିନେ ଜହ୍ନ
ପୃଷ୍ଠରେ ଗଢ଼ିବା ସୁନ୍ଦର ଘର,
ଆଙ୍କି ହୋଇଥିବା କଳ୍ପନାକୁ ଆଜି ଜଗତେ
ଦେଖାଇଛି ବିଜ୍ଞାନ ଆମର ।
ଆଜିର ବିଜୟ ଶିଖାଏ ବିଫଳତାରୁ ସଫଳତା
ସର୍ବଦା ଆସଇ ଜାଣ
ସାହାସେ କେତେ ନୂଆ ତଥ୍ୟ ଆବିଷ୍କାର ହୁଏ
ଚନ୍ଦ୍ରଯାନ ୩ ଦିଏ ପ୍ରମାଣ ।
ବିଜ୍ଞାନର ଜୟଯାତ୍ରା ଯୁଗେ ଯୁଗେ ଚାଲି
ଆସିଛି, ଓ ଚାଲି ଆସୁ ଥିବ
ଆବିଷ୍କାର ପାଇଁ ଗବେଷଣାର ନାହିଁ ଅନ୍ତ,
ବୈଜ୍ଞାନିକର ଜୟ ହୋଇବ।
ଚନ୍ଦ୍ରଯାନ ଦୁଇ ବିଫଳ ହେଲା ସିନା, ଦବି
ଗଲା ନାହିଁ ମୋର ଦେଶ ,
ଶୁଣିଲନି କି ଚନ୍ଦ୍ରଯାନ ତିନି ଯାନ ଜହ୍ନକୁ
ଛୁଇଁଲା ଦେଖାଇଲା ସାହସ ।
ପ୍ରଣାମ ଘେନ ହେ ଇସ୍ରୋ ବୈଜ୍ଞାନିକ ଚନ୍ଦ୍ର
ଯାନକୁ କରିଅଛ ଅବତରଣ,
ମନରେ ରହିବ ସଦା, ଭାରତୀୟ ପାଇଁ
ଏହା ତ ଗର୍ବ ଓ ସ୍ମରଣୀୟ ଦିନ ।