ଚକା କ୍ୟାମେରା

ଅମାନିଆ ମଣିଷ

ଆଖିରେ ଅନ୍ଧ ପୁଟୁଳି

ଧର୍ମ ଅଧର୍ମକୁ

ନ୍ୟାୟ ଅନ୍ୟାୟକୁ

ପାପ ପୁଣ୍ୟକୁ

ସବୁ ଜାଣି ବୁଝି ବି

ଅଭିନୟ କରିଚାଲିଛି

ଆଖି ନିବୁଜି କାମ ଅକାମ କରୁଛି

ଆଉ କାଳିଆ ଆଖିରେ ଧୂଳି ଦେଉଛି ll

ହାତ ନାହିଁ ଗୋଡ ନାହିଁ

ମାଦଳ ପରି ବସିଛି

କାନ ନ ଥାଇ ବି ସବୁ ଶୁଣୁଛି

ରାଡ଼ାର ପରି ବିଶ୍ୱ ବ୍ରହ୍ମାଣ୍ଡରେ

ଖବର ରଖୁଛି

ଗୋଲ ଗୋଲ ଚକା ଚକା ଆଖି ତାର

ସି ସି କ୍ୟାମେରା ପରି

ସବୁ ଦେଖୁଛି

ଧର୍ମ ଅଧର୍ମର ବିଚାର ଚାଲିଛି ll

ତଥାପି ଏ ମଣିଷ ଭାଇ

ସୁଧୁରିବାର ନା ନ ଧରଇ

ଗର୍ବ ଅହଂକାର ସୀମା ଟପୁଛି

ଧରାକୁ ସିଏ ସରା ମଣୁଛି

ଜୀବନ ଯମୁନାରେ ଜୁଆର ଆସେ

                       ଭଟ୍ଟା ବି ଆସେ

       ସମୟ ସୁଅରେ ସବୁ ଭାସେ

ଚକାକ୍ୟାମେରା ସବୁଦେଖୁଛି

ସବୁ ଦିନେ ଧରା ପଡିବ

ଏ କଥା ମନେ ନ ଭୁଲିବ ll