ଲାଇବ୍ରେରୀ
ପ୍ରୋଫାଇଲ୍
ଚକା ଚକା ଆଖି ତୋର ଜଗା
ଚକା ଚକା ଆଖି ତୋର ଜଗା
1 min
242
ଚକା ଚକା ଆଖି ତୋର
ଜଗା କାଳିଆ,
ଭକ୍ତ ମନ ନେଉ କିଣି
ନୀଳାଚଳିଆ l
ତୁମେ ନେତ ଉଡାଇଛ
ନୀଳକନ୍ଦରେ,
ଠିଆ ହୋଇ ଦେଖୁଥିବୁ
ବଡ଼ ଦାଣ୍ଡରେ l
ତୁମେ ବିଜେ କଲ ଯାଇ
ଗମ୍ଭୀର ଘରେ,
ଆମକୁ ରଖିଲ ନେଇ
କୁଡ଼ିଆ ଘରେ l
ଆମକୁ ଭଲ ଆମର କୁଡ଼ିଆ
ଦେଉଳ ଘରେ ତୁ ରୁହ କାଳିଆ l
ତୁମେ ଯେଉଁଠି ରହିଲ
ପୁରୀ ଶ୍ରୀକ୍ଷେତ୍ର,
ଆମେ ଯେଉଁଠି ରହିଲୁ
ପାପର କ୍ଷେତ୍ର l
ସେ ପାପକୁ ଛଡାଇବୁ
କେଉଁଠି ଯାଇ,
ଶ୍ରୀକ୍ଷେତ୍ର ଧାମ ଖୋଲିଛ
କଳା ଗୋସାଇଁ l
ବେତକୁ ଧରି ବସିଛି କାଳିଆ
ପାପକୁ ଛଡ଼ାଇବ ସେ ଛଳିଆ l
ପାପୀ ପାପକୁ ନିଏ
ମୁଣ୍ଡରେ ଧରି,
ଭକ୍ତର ଭକ୍ତିକୁ ନିଏ
ଗଣ୍ଠିଲି କରି l
ପାପୀ ତପୀ ସମସ୍ତଙ୍କୁ
କରେ ନିଜର,
ସର୍ବେ ନିଜର ତା'ର
କେହି ନୁହେଁ ପର l
ପର ଆପଣାର ନୁହେଁ କାଳିଆ
ସମସ୍ତଙ୍କୁ ରଖେ ଚକାଡୋଳିଆ l
ଚକା ଚକା ଆଖି ତୋର
ଜଗା କାଳିଆ,
ଭକ୍ତ ମନ ନେଉ କିଣି
ନୀଳାଚଳିଆ l
