Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Narendra Prasad Behera

Abstract


4  

Narendra Prasad Behera

Abstract


ଚିଠି

ଚିଠି

1 min 2 1 min 2


ଲୁହରେ ଲେଖୁଛି   ଚିଠିଟେ ତୁମକୁ

    କରିବନି ମୋତେ ପର

କାଲିଥିଲି ତୋର  ଅତି ଆପଣାର

    ହୋଇଗଲୁ ଆଜି ଦୂର ।୧।


ଅନ୍ତର ବେଦନା  ସହି ପାରୁନାହିଁ

   ମନେ ପଡୁ ଖାଲି ତୁହି

ମନେମନେ ତୋତେ ଖୋଜୁଅଛି କେତେ

    ବୁଝି ତୁ ପାରିବୁ ନାହିଁ ।୨।


ତୋପରି ଭଉଣୀ  ଜଗତ ମଧ୍ୟରେ

    ଖୋଜିଲେ ମିଳିବ ନାହିଁ

ସ୍ନେହଶ୍ରଦ୍ଧା ତୋର ଝୁରେ ମନ ମୋର 

     କହୁଛି ପ୍ରଭୁଙ୍କୁ ଚାହିଁ ।୩।


ମୋ ପରି ଭାଇକୁ ଦୂରେ ଠେଲିଦେଇ

    କେମିତି ପାଉଛୁ ଶାନ୍ତି

ଜୀବନରେ ନିଶ୍ଚେ ଭେଟ ହେବ ଆମ 

   ଦେଉଛି ଏ ପ୍ରତିଶ୍ରୁତି ।୪।


କେଉଁ ଦୋଷ ଦେଖି କଲେ ପ୍ରଭୁ ଦୂର 

   ବୁଝାଇ କର ସନ୍ତୁଷ୍ଟ

ହୃଦୟ କାନ୍ଦୁଛି ବିଚ୍ଛେଦେ ତୋହର 

  ତୋ ବିହୁନେ ମନ କଷ୍ଟ ୫।


ଦୂରକୁ ସୁନ୍ଦର   ଉଚ୍ଚ ପରବତ

    ପାଖକୁ ଯେସନେ କଇଁ

ଭଉଣୀ ବିହୁନେ ଭାଇର ମନଟା

    ହୁଏ ଖାଲି ଧଇଁସଇଁ ।୬।


କହ ଜଗନ୍ନାଥ  କି ଦୋଷ ମୋହର

     କାହିଁକି ହେଲୁ ପଥର

ସାମାନ୍ୟ କଥାଟେ ବୁଝି ପାରୁନାହୁଁ

   କାହିଁକି ଡାକିବେ ନର ।୭।


ଏତିକି ପ୍ରାର୍ଥନା  କରୁଛି ପ୍ରଭୁ ହେ

    ଦିଅ ତା ଜୀବନେ ଶାନ୍ତି 

 ଭାଇ ଭଉଣୀର ପବିତ୍ର ସମ୍ପର୍କେ

    ନ ଆସୁ କେବେ ବିପତ୍ତି ।୮।



Rate this content
Log in

More oriya poem from Narendra Prasad Behera

Similar oriya poem from Abstract