ଚିଠି

ଯେତେ ଚିଠି

ଲେଖି ପଠେଇଛି

କେବେ ଫେରିନି

ସବୁର ଉତ୍ତର ମିଳିଛି

ସବୁର ଉତ୍ତର ଦେଇଛି

ଯେତେ ଚିଠି ମୁଁ ପାଇଛି

ଏବେ ସେ ସମୟ ନାହିଁ

ନା’ ଚିଠି ଲେଖୁଛି

ନା’ ଚିଠି ଆସୁଛି

ଯାହା ଫୋନରେ

ଦି’ପଦ ଭାବ ଦିଆ ନିଆ

ସେଥିରେ ନା’ ଅଛି

ଆନ୍ତରିକତା, ଆତ୍ମିୟତା

ଆବେଗ, ଭଲ ପାଇବା

ସ୍ନେହ, ଶ୍ରଦ୍ଧା, ମାନ୍ୟ

ପୂଜନୀୟ, ପୂଜ୍ୟ

ମାନନୀୟ, ସମାନନୀୟ

ଶ୍ରଦ୍ଧେୟ, ଇତି ତୁମର

ସ୍ଥାନ ଓ ତାରିଖ

ଯାହା ଚିଠିରେ

ଆବଦ୍ଧ ଥିଲା

ବାରବାର ପଢିପଢି

ଖୁସିରେ ଆତ୍ମହରା

କେବେ ଖୁସିରେ

ଲୁହ ଗଡ଼ାଇବାର

ସୁଯୋଗ ଜୁଟୁଥିଲା

ଏବେ ଯାହା

ନା’ ଭୁଲି ହେଉଛି

ନା’ ସୁଭୁଛି

ଖରା ବେଳେ

ଗାଁ ଦାଣ୍ଡରେ

ଡାକ ପିଅନର

ସାଇକେଲ ଘଣ୍ଟି

ନା’ ଚିଠି ନେବ ଚିଠି