ଚିତ୍ର ଚରିତ - 90 :କବିତା : ପ୍ରକୃତିର ନୀତି : -ଡକ୍ଟର କୃତ୍ତିବାସ ନାୟକ
ଚିତ୍ର ଚରିତ - 90 :କବିତା : ପ୍ରକୃତିର ନୀତି : -ଡକ୍ଟର କୃତ୍ତିବାସ ନାୟକ
ଆମରି ଭିତରେ ରହିଛି ଆଲୋକ ରହିଛି ସକଳ ଶକ୍ତି,
ବାହାରେ ଖୋଜିବା ମୋତେ ଲୋଡ଼ାନାହିଁ ପୂଜାପାଠ କିବା ଭକ୍ତି |
ହାରିବି କାହିକି ପାରିବି ମୁଁ ସବୁ ମନରେ ରଖିଛି ଯିଏ,
ସକଳ ଅସାଧ୍ୟ ସାଧ୍ୟକରି ପୁଣି ସଫଳତା ପାଏ ସିଏ |
ଈଶ୍ଵର ବିଶ୍ଵାସ ମନକୁ ନିଶ୍ଚୟ ଦୃଢକରି ଦେଉଥାଇ,
ମନୋବଳ ଆଉ ଆତ୍ମ -ବିଶ୍ୱାସକୁ ଦୁର୍ବଳ କରିବା ନାହିଁ |
କେବେ ଗାଡ଼ିଯାଏ ଡଙ୍ଗାପରେ ବସି ଗାଡ଼ିରେ ବି ଡଙ୍ଗାଯାଏ,
କେବେ ଚଢେଇଟି ପୋକଖାଏ ପୁଣି କେବେ ତାକୁ ପୋକଖାଏ |
ଗରିବ ଲୋକ ବି ଧନୀ ହୋଇପାରେ ଭିକମଗା ହୁଏ ଧନୀ,
କେବେ କେବେ ପୁଣି ମୂର୍ଖଲୋକ ପାଶେ ହାର ମାନିଯାଏ ଜ୍ଞାନୀ |
ବଳବାନ ସିନା ଲଢେଇ କରିଲେ ଜିତିଯାଏ ଦୁର୍ବଳକୁ,
ସମୟ ସୁଯୋଗ ଓଲଟାଇ ଦିଏ ପ୍ରକୃତିର ନୀତି ଏହି |