ଚିତ୍ର ଚରିତ - 76 : କବିତା: କାହା ପାଖରେ ସମୟ ନାହିଁ

ଏବେ ତ ସମସ୍ତେ କହନ୍ତି-ମୋ ପାଶେ ସମୟ ଟିକିଏ ନାହିଁ,

ଧାଇଁଛନ୍ତି ସବୁ ଯେ ଯାହା ମାର୍ଗରେ ଆଗ-ପଛକୁ ନ ଚାହିଁ |

ସମୟ ସହିତ ତାଳଦେଇ କେତେ ଗାଡ଼ିଚକ ଯାଏଗଡ଼ି,

ମଣିଷର ମନ ଗତି କେ ମାପିବ ଶୂନ୍ୟେଶୂନ୍ୟେ ଯାଏଉଡ଼ି |

କିଏ ଧନପାଇଁ କିଏ ପ୍ରେମପାଇଁ କିଏ ପୁଣି ଯଶପାଇଁ,

ଅଯଥା ସମୟ କିଏ କେତେ ସାରେ ହିସାବ ତାହାର ନାହିଁ |

ସମୟକୁ ଯିଏ କାମରେ ଲଗାଏ ସିଏ ସିନା ପାରେଜିତି,

ଚାହୁଁଚାହୁଁ ଆମ ଜୀବନ କାଳର ଅଧା ଚାଲିଯାଏ ବିତି |

ସମସ୍ତଙ୍କ ପାଇଁ ସମୟ ସମାନ ଦିନକ ଚବିଶ ଘଣ୍ଟା,

କେଉଁକାମ କେବେ କରିବା ସେପାଇଁ କରିଦେବା ଭାଗବଣ୍ଟା |

ପ୍ରତ୍ୟେକ ମୁହୂର୍ତ୍ତ ବଡ଼ ମୂଲ୍ୟବାନ ଯିଏ ବୁଝେ ତା'ର ମୂଲ,

ତା'ପାଖରେ ଥାଏ ଅନେକ ସମୟ ଓଜନ ତା' ପାଇଁ ଫୁଲ |