ଚିତ୍ର ଚରିତ- 22 : କବିତା: ବ୍ୟକ୍ତିଗତ କଥା

ଜୀବନଟା ମୋର ସଫଳ ହେଇଛି କେବେ ସିନା କହିନାହିଁ,

ଯାଇଛି ମୁଁ କେତେ ଦେଇଛି ମୁଁ କେତେ ସେ କଥା ଜାଣିଛି ମୁହିଁ |

କେତେ ପ୍ରତିକୂଳେ ଆଗକୁ ଆସିଛି ପାଇକେତେ ସହଯୋଗ,

କେତେ ଅନୁକୂଳ ହେଇଛି ଜୀବନ କରିଛି ମୁଁ ଉପଭୋଗ |

କେତେ ଲେଖିଛି ମୁଁ ମନକଥା ପୁଣି ପ୍ରକାଶ କରି ପୁସ୍ତକ,

ପୁସ୍ତକ ପାଇଁ ମୁଁ ଯାତନା ସହିଛି ପତେଇ ଦେଇ ମସ୍ତକ |

କେତେ ପୁରସ୍କାର ପ୍ରଶଂସା ସମ୍ମାନ ମିଳେ ସିନା ବଳେବଳେ,

ଏ'ସବୁ ଆସିଛି ଶ୍ରଦ୍ଧା ନିଷ୍ଠା ଶ୍ରମ ଭାଗ୍ୟର ଅନୁକୂଳେ |

ମୋଠାରୁ ଅଧିକ ଶ୍ରମ ନିଷ୍ଠା ସତ୍ୱେ ଅଗ୍ରଜ ଅଛନ୍ତି ଚାହିଁ,

ଅଳ୍ପଜ୍ଞାନ-ବୁଦ୍ଧି ଶିକ୍ଷାରେ ଦୀକ୍ଷାରେ ଆଗେଇ ଆସିଛି ମୁହିଁ |

ଆଉ କିଛି ପ୍ରାପ୍ତି ଆଶା ନାହିଁ ମୋର ନାହିଁ କିଛି ମନସ୍ତାପ,

ଯେତିକି ପାଇଛି ଯଥେଷ୍ଟ ଅଧିକ ଯାହା ହୁଏ ମୋର ପ୍ରାପ୍ୟ |