ଚିର ଶାଶ୍ୱତ ସମ୍ପର୍କପ୍ରଣତିଜେନା

ସମ୍ପର୍କ ତିନୋଟି ଅକ୍ଷର କୁ ନେଇ ମଧୁରତାର 

ଗୋଟିଏ ଶବ୍ଦ ର ଉଛୁଳା ନଈଟିଏ ----

ମରି ଯାଇଥିବା ଜୀବନ ଗଛ ରେ ସଂଜୀବନୀ ପରି 

ଯମୁନା ର ଭରା ଜଳ ରାଶି ତୀରେ କଳ, କଳ ସୁରେ 

ଭିଜାଏ ହୃଦୟ ଅଙ୍ଗନ ସଞ୍ଚରି ତନୁ, ମନ.....

ସମ୍ପର୍କ ----

ଦିବ୍ୟ ମାଦକତା ସବୁଜ ମନ ରେ

ମୋହ, ମୋହକ ରେ ପରମ ପୁଲକିତ,

ବହଳ ବିଶ୍ୱାସ ରେ ଗହଳ ମମତା ----

ଜୀବନ ପରିଧି ରେ ଭବ୍ୟ ଅନୁରାଗ ଭରା,

ଜହ୍ନ ସାଥେ ଜ୍ୟୋସ୍ନା ର ସ୍ପନ୍ଦିତ ସ୍ପନ୍ଦନ.....

ସମ୍ପର୍କ ----

ପୃଷ୍ଠା ପରେ ପୃଷ୍ଠା ତାର ସମ୍ପର୍କ ର ଶ୍ରଦ୍ଧା ଆବରଣ

କଷଟି ପଥରେ ଘଷି, ମାଜି କେବେ ଝଲସି ଉଠେ ପ୍ରାଣ,

ଛୁଇଁ ହୁଏନି ସମ୍ପର୍କ ର ଚୌହଦି କୁ

ଦିଗନ୍ତ ବିସ୍ତାରି ତାର ପ୍ରସାରିତ ପାର୍ବଣ...

ପୁରୁଣା ଲାଗେନି ଅତୁଟ ମମତା ବୋଳା ସେ ଅଗୁର, କସ୍ତୁରୀ ର ବାସ 

ସୃଷ୍ଟି ଓ ସ୍ରଷ୍ଟା ଙ୍କର ଭାଗ୍ୟ ସେଇ ଅହୋଭାଗ୍ୟ

ସେଇ ଅମୃତତ୍ବ କୁ ଅଧରାମୃତ ପାଇ ହୁଏ ଭାଗ୍ୟବାନ ----

ସମ୍ପର୍କ ଭାବ ଅଙ୍ଗନ ରେ ସୁମଧୁର ବଂଶୀର ନିନାଦିତ ତାନ,....

ସମ୍ପର୍କ ----

ଅଙ୍ଗେ ନିଭା ଅଭିସାରିକା ଟେ ଅୟସୀ ରାତିର ବିଳାସୀ ସପନ

ଭରା ଫଗୁଣ ବାସ ର ଚୋରା ଚଇତାଳି ମୃଦୁ ଶିହରଣ,

ଜୀବନ ଟା ବୋଝ ନୁହେଁ ପ୍ରତି ମୁହୂର୍ତ୍ତ ର ମମତ୍ୱ ରେ ---

ଭରିଦିଏ ହୃଦୟକୁ ଭିଜା ସାନିଧ୍ୟ ର

କର୍ପୁର ବାସ ପରି ମହ, ମହ

ଅସୁମାରୀ ଶ୍ରଦ୍ଧା ଓ ଆପଣା ପଣ ର ନିଛକ ସ୍ନେହ ଆଲିଙ୍ଗନ.....

ଯେତେ ଦୂରେ ଥିଲେ କେବେ ଭାଙ୍ଗେ ନାହିଁ,

ଅତୁଟ ସେ ବସନ୍ତ ର ମଳୟ ପବନ....

ଅଭିମାନ ଥାଏ ଶ୍ରଦ୍ଧା ଓ ସ୍ନେହ ଭିଜା ଶାଶ୍ୱତ ଚନ୍ଦନ ---

ଅନୁରାଗ, ଆବେଗ ଭିଜା ବର୍ଷା ରେ,

ଧୋଇ ଯାଏ ଯେତେ ଥାଏ ଦୁଃଖ,

ସମାଧିସ୍ଥ, ଅଶ୍ରୁତ ନୟନ ରେ ବୋଳି ଶାଶ୍ୱତ ମୋହଞ୍ଜନ...