ଚିର ନମସ୍ୟ ମାତା

ବାତ୍ସଲ୍ୟ ମମତା ମାପଦଣ୍ଡ ତୁମେ

ଅମୃତ ସ୍ନେହ ସୌରଭ,

ବୀର ପୁରୁଷର ବାହାସ୍ପଟ ଆଉ

ମାନବତାର ଗୌରବ । [୧]

ତୃପ୍ତ ଅନ୍ତରାତ୍ମା ମିଠା ଉଦ୍ଦୀପନା

ହୃଦୟେ ଶାଶ୍ଵତ ପ୍ରେମ ,

ଆଖି ଭର୍ତ୍ତି ଦୟା ଛାତି ଭର୍ତ୍ତି

ଦମ୍ଭ ସାହାସ ପ୍ରତିଫଳନ । [୨]

ସହିଷ୍ଣୁତାର ପରାକାଷ୍ଠା ତୁମେ

ବେଦନା ର ଶବ୍ଦକୋଷ,

ନୂତନ ପିଢିର ମାର୍ଗ ଦର୍ଶିକା

ଲକ୍ଷ୍ୟର ଅବଶେଷ। [୩]

ସ୍ପର୍ଶେ କୁସୁମର କୋମଳତା ତୁମ

ବାକ୍ୟେ ମଧୁ ମାଦକତା,

ଇନ୍ଦ୍ରଧନୁ ପରି କ୍ଷଣିକ ବିଷାଦ

ତନ୍ତ୍ରୀ ବିବେକ ଝଂକୃତା । [୪]

ମସ୍ତିଷ୍କ ଭରା ଅନ୍ୱେଷଣ ତୁମେ

ଉତ୍ସାହର ଉନ୍ମାଦନା,

ବିଶ୍ୱାସର ଚିର ଆତ୍ମ ପ୍ରତ୍ୟୟ

ଶାନ୍ତି ର ଉପାସନା। [୫]

ହିମାଳୟ ଧୈର୍ଯ୍ୟ ସାଗର ଗାମ୍ଭୀର୍ଯ୍ୟ

ଆକାଶର ଅସୀମତା,

ସର୍ବେ ବିଦିତ ସର୍ବ ବଂଦିତ

ଚିର ନମସ୍ୟ ତୁମେ ମାତା । [୬]