ଚିକିତ୍ସକ : ତ୍ୟଗପୁତ ସମର୍ପିତ

ଅଶ୍ୱନୀ କୁମାର ସ୍ୱର୍ଗ ବୈଦ୍ୟ ଭଗବାନ

ପ୍ରତି ବୃକ୍ଷରେ ରହିଛି ଔଷଧୀୟ ଗୁଣ। 

ଚରକ ପରୀକ୍ଷା ଦ୍ଵାରା କଲେକ ପ୍ରମାଣ 

ଦ୍ୱିତୀୟ ଈଶ୍ବର ଚିକିତ୍ସକ ଆମ ଘେନ ।

ଆୟୁର୍ବେଦ ହୋମିଓପାଥି ଏଲୋପାଥି

ତିନିଟି ଆମର ମୁଖ୍ୟ ଚିକିତ୍ସା ପଦ୍ଧତି ।

ନାଚୁରୋପାଥି ୟୁନାନୀ ପଞ୍ଚକର୍ମ ଆଦି

ଦ୍ୱିତୀୟ ଈଶ୍ବର ଥିଲେ ଭଲ ହୁଏ ବ୍ୟାଧି ।

ସଭିଏଁ ଦେଖନ୍ତି ତାଙ୍କ ରୋଜଗାର କେତେ

ସୁଖ ଶାନ୍ତି ତିଳେ ନାହିଁ କର୍ତ୍ତବ୍ୟ ଅଗ୍ରତେ। 

ବିଶ୍ୱ ଯୁଦ୍ଧେ ସୈନିକଙ୍କୁ ଦେଶ ନିର୍ବିଶେଷ

ରେଡକ୍ରସ ଯୋଗଇଲା ସେବା ସବିଶେଷ ।

ମେଧାବୀ ଛାତ୍ରଟି ପଢି ଡାକ୍ତର ହେଲା

ଗଧ ଛାତ୍ର ଭୋଟ ଜିତି ମନ୍ତ୍ରୀ ବନିଗଲା। 

ମନ୍ତ୍ରୀ ଦିଏ ଡାକ୍ତରର ବଦଳି ଆଦେଶ

ଡାକ୍ତର ର କିବା ହେବ ନୈତିକ ଉନ୍ମେଶ !

ଚିକିତ୍ସକ ପାଖେ ଆମ ଜୀବନ ଟି ବନ୍ଧା

ରୋଗରୁ ମୁକତି ପାଇଁ କରୁ ନାନା ଧନ୍ଦା ।

ତପସ୍ୟା ସାଧନା ତ୍ୟାଗ ବଳେ ଡାକତର 

ନ ମଣିବା ନର ତାଙ୍କୁ ଦ୍ୱିତୀୟ ଈଶ୍ବର ।

ପ୍ରସୁତୀକୁ କାନ୍ଧେ ଭାର ବହି ସେ ଆଣିଲେ

ଯମ ଠାରୁ ପ୍ରାଣ ଦୁଇ ଛଡାଇ ଆଣିଲେ ।

ସେପରି ଡାକ୍ତର ନର ରୂପେ ନାରାୟଣ

ସମାଜର ପୂଜ୍ୟ ସିଏ ଏ କଥା ପ୍ରମାଣ ।

              

ମୁଣ୍ଡରେ ଗାମୁଛା ଥିବ ପାଦେ ମାରି ତୈଳ

ଉଷୁମ ଖାଦ୍ୟ ଖାଇବା ନିୟମିତ ଜଳ ।

ଶଅଳ ଶୟନ କଲେ ପ୍ରାତ ଶଯ୍ୟା ତ୍ୟାଗ

ଡାକ୍ତର ବଇଦ କିଛି ବିଶ୍ରାମ ପାଇବ ।

ରୋଗ ରୋଗୀ ସେହି ଚିକିତ୍ସକ ସେହି ଜଣେ

ବିଶ୍ୱ ପିତା ନାମେ ତାଙ୍କୁ ଏ ସଂସାର ଜାଣେ ।

ରୋଗ ଦେଲେ ବିଭୁ କିଏ ଭଲ କରିଦେବ

ଅପ୍ରାକୃତ ବୈଦ୍ୟେ ସଦା ଲୟ ରଖିଥିବ ।