ଚିହ୍ନିବା ମୁସ୍କିଲ

ଏ ସମାଜର ଦର୍ପଣରେ

ଚିହ୍ନା ମୁହଁ ଯେତିକି ଦିଶେ

ତା ଠାରୁ ଅଧିକା ଦିଶେ

ଅଚିହ୍ନା ମୁହଁ ମାନଙ୍କ ବେଶ ।

ଚିହ୍ନା ମୁହଁଗୂଡିକୁ ତର୍ଜମା କରିହୁଏ

କିଛି ଜୋର୍ କରି ଗାଳି ଦେଈହୁଏ

ଅଚିହ୍ନା ମୁହଁଗୂଡିକ ବହୁତ ଫୁଲେଇ

ମୋର କଣ କରିବ କହି ଚାଲିଯାଏ ।

ସ୍କୁଲ୍ ,କଲେଜ ,ପଡୋଶୀଙ୍କୁ ଛାଡିଦେଲେ

ଆହୁରି ଅନେକ ଚିହ୍ନା ମୁହଁ ଅଛନ୍ତି

ତଥାପି ଅସୁବିଧା ରେ ଥିବା ସମୟରେ

ଅଚିହ୍ନାଙ୍କ ଭଳି ବ୍ୟବହାର କରନ୍ତି ।

କାହାକୁ ଏଠାରେ ଚିହ୍ନିବା ହେଲାଣି ମୂସ୍କିଲ

ଆପଣାର କରିବା ତା ଠାରୁ ବି କଷ୍ଟ

ସଭିଏଁ ନିଜ ନିଜ ପସନ୍ଦ ଖୋଜିବାର ଜିଦରେ

ନିଜ ଭବିଷ୍ୟତ କରୁଛନ୍ତି ସଂପୁର୍ଣ୍ଣ ନଷ୍ଟ ।