ଛୋଟ ମୋର ଗାଆଁଟି
ଛୋଟ ମୋର ଗାଆଁଟି
ଛୋଟ ମୋର ଗାଆଁଟି
ମହୁ ଠାରୁ ବି ଆହୁରି ମିଠା
ଲାଗେ ତାର ନାଆଁ ଟି
ଗାଁ ମୁଣ୍ଡରେ ପଣତ ଢାଙ୍କିଛି
ଜାଗୁଳାଇ ମାଆଟି
ଜଗା କାଳିଆର ପତିତପାବନ
ସତେ ଆମ ସାହାଟି
ମାଆ ଜଠରୁ ଆସିଲି ଯେବେ
ଡାକିଲି କୁଆଁ କୁଆଁ
ଆନନ୍ଦେ ନେଲା କୋଳେଇ------
କହି ଆ ମୋ କୋଳକୁ ଆ
ସେଇ ମୋ ଷଠି ମାଆ
ତା ଛାତିରେ ପାଦ ଦେଇ
ଶିଖିଲି ମୁଁ ଚାଲି
ତା ଦାଣ୍ଡ ଧୂଳି ଚନ୍ଦନ ପରି
ଦେହେ ମୁଁ ବୋଳି ହେଲି
ଛପିଛପି ମୁଁ ପ୍ରଜାପତି ଧରିଲି
ତା ପାଣି ପବନେବଡ ମୁଁ ହେଲି
ହେଲେ ପରା ମୁଁ ଯେତେ ବି ବଡ
ତା ପାଶେ ମୁହିଁ ଛୁଆ
ଯୁଆଡେ ଯାଏ ଯେଉଁଠି ଥାଏ
ରଖିବି ତାର ନାଁ
ଅଦିନେ କେବେ ଶେଫାଳି ପରି
ପଡିବି ଯଦି ଝଡି
କୋଳେଇ ନେବ ଆଦରେ ମୋତେ
"ଜୁଇ" ଖଟରେ ସେଇ
କୋଳେର ତାର ଆନନ୍ଦେ ଶୋଇ
ଲଭିବି ମୁହିଁ ଶାନ୍ତି
ସେ ପରା ମୋର ମାଆଟି
ସେଇ ମୋ ସଦା ସାହାଟି
ଛୋଟ ମୋର ଗାଁଟି।