ହିଂସୁକ ମୁଖରେ ଅହିଂସା ବାଣୀ
ହିଂସୁକ ମୁଖରେ ଅହିଂସା ବାଣୀ
ଦୁନିଆ ଦାଣ୍ଡରେ ଶୋଭନୀୟ ନୁହେଁ
ହିଂସୁକ ମୁଖରେ ଅହିଂସା ବାଣୀ
ସର୍ବେ ଚିହ୍ନିଥାନ୍ତି ତାହାର ଅନ୍ତର
ଭଲ ରୂପେ ମଧ୍ୟ ସ୍ବଭାବ ଜାଣି ।
ହାସ୍ୟାସ୍ପଦ ତା'ର କଥାଟି କେବଳ
ଏଥିରେ ଦ୍ବିରୁକ୍ତି ନଥାଏ କିଛି
କେଉଁ ଆଶା ନେଇ କହିଥାଏ ସେହି
ନିଜ ହୃଦୟକୁ ଥରେ ନପୁଛି ।
ସମାଜ ମଙ୍ଗଳ କରଇ କି ତା'ର
କପଟ ଅନ୍ତର ମଧୁର ଭାଷା
ସିଏ କି ସତରେ ଅହିଂସା ପଥରେ
ଦେଖି ପାରିଥାଏ ଜୀବନ ଦିଶା !
ବିଶ୍ବାସଭାଜନ ହୁଏ ନାହିଁ କେବେ
ବଗର ମୁଖରେ ଶ୍ରୀରାମ ନାମ
ଭିତର ବାହାର ସିନା ସମ ଥିଲେ
ସତ୍ୟ ସିଦ୍ଧ ହେବ କାହାର କାମ ।