"ଛଳନା-୩"
"ଛଳନା-୩"
ଅନ୍ଧାରୀ ମେଘ ମୋ ପିଛା ଛାଡୁ ନାହିଁ
କେମିତି ଚାଲିବି କହ
ଏକା ଏକା ବାଟ ଦୂର ଲାଗେ ଆଜି
ତୁଟାଇ ତୋହରି ମହ।୧।
କ୍ଷଣିକ ଜୀବନେ ଭରି ଥିଲୁ ତୁହି
ପ୍ରେମର ପୁଲକ କେତେ
ତୋ ମିଠା ପ୍ରେମରେ ସାରିଲୁ ଜୀବନ
ଭୁଲିବି କେମିତି ତୋତେ।୨।
ଆଜି ଏକା ମୁହିଁ ଦେଇ ଦେଲୁ ଧକ୍କା
ବୁଝିଲୁ ନାହିଁ ତୁ ଥରେ
କହ ଆରେ କାହିଁ ଛଳନା କରିଲୁ
ତୁହି ମୋହରି ସାଥିରେ।୩।
ଭାବିଥିଲି ମୁହିଁ ତୋଳିବି ଘରଟେ
ତୋ ପ୍ରେମେ ଭରଷା କରି
ତୁହି ମୋର ସୁଖ ତୁହି ମୋର ଶିରି
ସବୁ ଦେଲୁ ଆରେ ସାରି।୪।
ପାରୁନି ବୁଝେଇ ଅବୁଝା ମନକୁ
ଯେତେ ଚାହିଁଲେ ବି ମୁହିଁ
ତୋ ବିନା ଜୀବନେ ସୁଖ ବୋଲି ଜମା
କିଛି ମୁଁ ଯେ ଚାହିଁ ନାହିଁ।୫।
ଭାଗ୍ୟକୁ ଆଦରି ଚାଲୁଅଛି ବାଟ
ଏକୁଟିଆ ହୋଇ ସତେ
ମୋ ଦୁଃଖରେ ତୁହି ସାଥି ହେଲୁ ନାହିଁ
ବାଧୁଛି ରେ ଭାରି ମତେ।୬।