ଛାଡିବା ଜାତି ଧରମ ଭେଦଭାବ

ଛୁଆଁ ଅଛୁଆଁର ଭେଦଭାବ ଯଦି 

ଅଛି ଆମରି ଶାସ୍ତ୍ରରେ

ଶବରୀ ଅଇଁଠା ଖାଇଲେ କିପରି 

ଶ୍ରୀରାମ ବନବାସରେ । ୧।

ଜଗନ୍ନାଥଙ୍କୁ ନଡ଼ିଆର ଭୋଗ କିପରି 

ଲଗାଏ ଦାସିଆ

ବାଉରୀ ହାତରୁ ନଡିଆ ନେଲେ ଜାଣିଛି 

ଦେଶ ଦୁନିଆ ।୨।

ମଣିଷ ଜାତିରେ ଶ୍ରୀୟା ଚଣ୍ଡାଳୁଣୀ 

ପୂଜିଲା ମାଆଙ୍କ ଚରଣ

ପ୍ରଭୂ ବଳଭଦ୍ର ଓ କାଳିଆ ପାଇଥିଲେ 

କେତେ କଷ୍ଟ ଜାଣ।୩।

 

ଜାତିପ୍ରଥା ଅନ୍ଧ ବିଶ୍ବାସରେ ଭରା

ନୁହେଁ ତ ଏକ ପ୍ରକୃତିକୃତ,

ଏହି ସତ୍ୟକୁ ବିଭିନ୍ନ ଶାସ୍ତ୍ର ମାଧ୍ୟମରେ 

ହୋଇଛି ତ ଲିଖିତ।୪।

ସ୍ୱାର୍ଥ ଓ ଭୋଟ ରାଜନୀତି ପାଇଁ 

ବିଭେଦ ଜହର ପିଆନ୍ତି 

ଜାତି ଧର୍ମ ଗୋଷ୍ଠୀ ନାମେ ବିଭେଦ 

ସୃଷ୍ଟିରେ ଲାଗି ପଡିଛନ୍ତି।୫।

ହେଉ ସିଏ ବ୍ରାହ୍ମଣ, ହେଉ ଅବା 

କେଉଁ ଜାତି ଓ ଧରମର

ସରବଙ୍କ ଦେହରେ ପାଇବା ରକତ 

ଆମେ ନାଲି ରଂଗର।୬।

ସାମାଜିକ ନ୍ୟାୟ, ଅର୍ଥନୈତିକ 

ସ୍ୱାଧୀନତା, ସମ୍ବିଧାନର

ହାସଲ ପାଇଁ କି ଛାଡି ଭେଦଭାବ, 

ଏକ ହେବା ଦରକାର।୭।