ଚଗଲା ରାମୁ କୁ ବିରୁଡ଼ି କାମୁଡ଼ା

ଅଷ୍ଟମ ଶ୍ରେଣୀରେ ପଢୁଅଛି ରାମୁ

    ଅଟଇ ବଡ଼ ଚଗଲା

ହଇରାଣ କରି ଅନ୍ୟକୁ ସର୍ବଦା

    ବିପଦେ ପକାଉଥିଲା

ସେଠି ପାଇଁ ଗୁରୁ  ସବୁ ସମୟରେ

   ରାମୁ କୁ ବୁଝାନ୍ତି କେତେ 

ଦୁଷ୍ଟ ବୁଦ୍ଧି ଯାର ମୁଣ୍ଡେ ସଦା ବସା

  ଶୀଘ୍ର ବୁଝିବ କି ସତେ

 

ଦିନେ ରାମୁ ଏକା ଵିଦ୍ୟାଲୟ ପଢ଼ି

    ଆସୁଥିଲା ଚାଲି ଚାଲି

ବିରୁଡି ବସା ଟେ ରାସ୍ତା ରେ ଦେଖିଲା

   ଦୁଷ୍ଟ ମନ ଖିଲିବିଲି

ବିରୁଡ଼ି ବସା ର ଉପରକୁ ଦେଖି 

   ପଥର ଟେ ଦେଲା ମାରି

ବିରୁଡ଼ି ରାଗରେ କାମୁଡିବା ପାଇଁ

   ସେ ସ୍ଥାନ କୁ ଗଲେ ଘେରି

ଅତର୍କିତ ଭାବେ   ରାମୁର ଉପରେ

    ବିରୁଡି ଙ୍କ ଆକ୍ରମଣ

ରାମୁ ଛାଡ଼େ ରଡ଼ି ରକ୍ଷlକର ମୋତେ

    କରିବି ଏବେ ମୁଁ କଣ

  ବିରୁଡ଼ି କାମୁଡ଼ା  ସହି ନ ପାରିଣ

    ରାମୁ ହେଲା ସଂଜ୍ଞାହୀନ

  ଡାକ୍ତରଖାନା କୁ ଚିକିତ୍ସା ର ପାଇଁ

    ପଠା ହୋଇଲା ବହନ

 

ସାତ ଦିନ ଯାଏ ଡାକ୍ତରଖାନା ରେ 

    ରାମୁ ହେଲା ଚିକିତ୍ସିତ 

ତାହା ପର ଠାରୁ ରାମର ମୁଣ୍ଡରେ

  ନ ରହିଲା ଦୁଷ୍ଟ ଭୁତ

ଘରକୁ ଫେରିଣ  ରାମୁ ସୁନାପିଲା

   ସେହି ଦିନୁ ହୋଇଗଲା

ହଇରାଣ ଆଉ ନ କରିବ ଅନ୍ୟେ

  ମନ ରେ ଶପଥ ନେଲା

ଭଲ ପାଠପଢ଼ି ବିଦ୍ୟାଳୟ ନାମ

    ରାମୁ ରଖି ଦେଇଗଲା

ଦୁଷ୍ଟ ବୁଦ୍ଧି ଛାଡ଼ି ଭଲ ଯେ ପଢ଼ିଲେ

ହୋଇପାରେ ସୁନାପିଲା