ଚେଷ୍ଟାକରି

ଚେଷ୍ଟାକରି ଦଶରଥ ମାଝୀ

ଦିଏ ପାହାଡ଼ ଛାତିକୁ ଚିରି

ବୋହିନିଏ ଦାନ ମାଝୀ ତା ପ୍ରେମକୁ

ପାଦେ କଣ୍ଟାକୁ ଖାତିରି ନକରି

ଉଡ଼ିଯାଏ ଡେଣା ମେଲାଇ ଆକାଶେ

ବତାସକୁ ଚିରି ଶାଗୁଣା

ବୁଲି ବୁଲି କେତେ ଫୁଲରୁ ଫୁଲକୁ

ମହୁମାଛି ଗଢେ ଯେ ମହୁଫେଣା

ଗୋଟି ଗୋଟି ଜଳବିନ୍ଦୁ ହୋଇ ମେଳ

ହୁଅନ୍ତି ବିରାଟ ସାଗର

ଛୋଟ କୀଟ ହୋଇ ଜୁଳୁଜୁଳିଆ ବି

ଖେଦିଦିଏ ଅନ୍ଧକାର

ଚେଷ୍ଟାକରି କରି ହୋଇଲେ ବିଫଳ

ମନକୁ ବୁଝାଇ ପାରିବ

ଅଳସୁଆ ହୋଇ ଶୋଇଥିଲେ ଖଟେ

ରୋଗୀ, ଦୁଃଖୀ ହୋଇ ମରିବ