ଚାଟୁରେ ସରେନି ଅନୀତି

ଅତ୍ୟାଚାରୀର ସ୍ତୁତି କର ଗାନ, 

ତୁମର ନୀତି

ମନେ ରଖ କେବେ ଚାଟୁରେ 

ସରେନି ଅନୀତି ।୧।

ଶ୍ରମର ଶୋଷଣ ସହୁଛ ତୁମେ,

ଖୋଲେନି ଟିକେ ପାଟି

ଜାଣିରଖ ଏ ସ୍ଥିତି ପତନ ପାଇଁ 

ଦୁର୍ଗମ ଗିରିଘାଟୀ ।୨।

ଲାଜ ନାହିଁ କ୍ଷୀର ଢାଳୁଛ ଅଯଥାରେ

 ପଥର ଉପରେ

ଗୋଇଠା ମାରୁଛ ଶ୍ରମଜୀବି ମଣିଷର

ଦେହ ଉପରେ ।୩।

ପାଟି ଖୋଲ ନାହିଁ ତୁମେ କାହାର 

ବିପଦ ଓ ଦୁଃଖରେ

ପିମ୍ପୁଡିକୁ ମହୁ ଚିନି ଦେଇ ବଡ ଭକ୍ତ 

ବୋଲି କୁହ ଗର୍ବରେ ।୪।

ଫିସାଦି ମୁନାଫା ପୁଞ୍ଜିର ଫନ୍ଦିରେ 

ପୁରା ଫସି ରହିଛ 

ଅପ ସଂସ୍କୃତି ଓ ଅନ୍ଧ ବିଶ୍ବାସ ଅବା

ଧର୍ମାନ୍ଧତାରେ ମନ ଭରିଛ ।୫।

ଆଇନଟା ହେବ ଉଦାସୀନ ନ୍ୟାୟ 

ପାଇବା କିପରି

ପୁଲିସ ହାତର ଲାଠି, କିନ୍ତୁ ନୀତି 

ହୋଇଛି ଘୁଷ୍-ଖୋରୀ ।୬।

ଚତୁରତାରେ ସତ୍ୟ ଘଟଣା ସବୁକୁ 

ଦିଅନ୍ତି ପରା ଚାପି

ଜୀବନ ନହେବ ନିରାପଦ ଶାସନରେ 

ତ ବସିଛି ପାପୀ ।୭।

ନୁହେଁ ନୁହେଁ ଏ ପ୍ରକାର ମନୋବୃତ୍ତି

ଜୀବନର ମୁକ୍ତିପଥ

ପ୍ରତିବାଦ କର ପ୍ରତିବାଦ କର ଅନ୍ୟାୟକୁ 

କରି ଖଡ୍ଗକୁ ଶାଣିତ ।୮।