ଚାରୁ ଚମ୍ପକ ବରନା

ଚାରୁ ଚମ୍ପକ ବରନା   ହଲିହଲି ଆସୁଛିରେ

ଚକା ଚାନ୍ଦ ବଦନରେ  ଖିଲିଖିଲି ହସୁଛି ରେ|

ନବ ସପତ ବୟସୀ   ରସାଳସା ମଦାଳସୀ

କଳା ମଚ ମଚ କଚ    ନିତମ୍ବକୁ ଚୁମ୍ବୁଛିରେ,

ଚାରୁ ଚମ୍ପକ ବରନା ହଲି ହଲି ଆସୁଛିରେ ।

କୁଞ୍ଜର ଗତି ସୁନ୍ଦର     ହରି କଟି ମନୋହର

ବକ୍ଷ ବାସ ଠେଲି ଉଚ୍ଚ   କୁଚ ଶୋଭା ଦିଶୁଛି ରେ,

ଚାରୁ ଚମ୍ପକ ବରନା ହଲି ହଲି ଆସୁଛିରେ ।

ଖଞ୍ଜନ ଗଞ୍ଜନ ଆଖି    ଦେଖି ମନ ଯାଏ ଲାଖି

ଭ୍ରୂଲତା କାମ କମାଣ   ଯୁବା ମନ ଦହୁଛି ରେ,

ଚାରୁ ଚମ୍ପକ ବରନା ହଲି ହଲି ଆସୁଛିରେ ।

ଜଵାଧରୀ କୃଶୋଦରୀ  ସଂସାର ସାର ସୁନ୍ଦରୀ

ରସେ ଭାଷେ ଜଗନ୍ନାଥ  ପାରିବ କେ ମୁରୁଛି ରେ,

ଚାରୁ ଚମ୍ପକ ବରନା  ହଲି ହଲି ଆସୁଛିରେ

ଚକା ଚାନ୍ଦ ବଦନରେ  ଖିଲି ଖିଲି ହସୁଛି ରେ ।