ଚାଲ ସଖୀ ଯିବା ପୁରୀ
ଚାଲ ସଖୀ ଯିବା ପୁରୀ
କଳିଆ ଠାକୁର ଦର୍ଶନ କରିବା
ଚାଲ ସଖୀ ଯିବା ପୁରୀ
ରତ୍ନସିଂହାସନେ ବସିରହି ଜଗା
ଲଗାଇ ଦେଲାଣି ଡୋରୀ I
ତା' ବଡ ଦେଉଳ ଜଗତରେ ଖ୍ୟାତ
ଭେଦଭାବ ସେଠି ନାହିଁ
ସେ ଦେଉଳେ ବସି ଜଗତ ଗୋସେଇଁ
ଭକ୍ତଙ୍କୁ ରହିଛି ଚାହିଁ I
ତା ବଡଦାଣ୍ଡରେ ଦେଖିବୁ ଲୋ ସଖୀ
ଭକତ ହୁଅନ୍ତି ମେଳି
ସେ ଦାଣ୍ଡର ଧୁଳି ଅତି ହିଁ ପବିତ୍ର
ମଥାରେ ଦେବୁ ତୁ ବୋଳି I
ଦେଖିବୁ ତୁ ସଖୀ ପତିତ ପାବନ
ନେତ ଉଡେ ଫରଫର
ଆନନ୍ଦ ମନରେ ମୁଣ୍ଡରେ ଛିଞ୍ଚିବୁ
ନରେନ୍ଦ୍ର ପୋଖରୀ ଜଳ I
ସିଂହଦ୍ୱାର ଟପି ବାଇଶି ପାହାଚେ
ଚାଲି ଚାଲି ଯିବା ସଖୀ
ଆନନ୍ଦ ବଜାରେ ଖାଇବା ମଜାରେ
ତା ମହାପ୍ରସାଦ ଚାଖି I
ଗଡୁଡ ପଛରେ ଠିଆ ହୋଇ ସଖୀ
କାଳିଆ ଦର୍ଶନ କରି
ତୃପ୍ତ ମନରେ ଫେରି ଆସିବା ଲୋ
ତା' କୃପାକୁ ମନେ ସ୍ମରି I