STORYMIRROR

Kunja Bihari Dalai

Inspirational

3  

Kunja Bihari Dalai

Inspirational

ଚାଲ ଭାଇ ଆମେ ଗରିବ ହେବା

ଚାଲ ଭାଇ ଆମେ ଗରିବ ହେବା

1 min
149



ଗରିବୀ ହଟାଅ ନେତାଙ୍କର ଇଏ

ନୁହେଁ ହୃଦୟର ବାଣୀ ,

ଗରିବ ରହିଲେ ସହଜରେ ସିନା

ପାରିବେ ଭୋଅଟ କିଣି । 


ଗୋରାସାହେବ ଓ ଆମନେତା ମଧ୍ୟେ

କିଛି'ବି ନାହିଁ ଫରକ ,

ଭକୁଆ ବନାଇ ଲୋଟନ୍ତି ଆମକୁ 

ବାଲାନ୍ସ ବଢାନ୍ତି ତା'ଙ୍କ ।


ବିକାଶ ବଦଳେ ବିନାଶ ଆଡ଼କୁ

ଭିଡ଼ୁଛନ୍ତି ଆମ ନେତା ,

ମାଗଣା ଅଭ୍ୟାସେ ମତୁଆଲା ହୋଇ

ବୁଝୁନୁ ଭିତିରି କଥା ।


ଫସଲ ଉଜୁଡି ଗଲେ ଖୁସି ହେଉ

ମିଳିଲେ କିଛି ଭିକ୍ଷାରେ ,

ଶୀତଳ ଗୋଦାମ, ନଦୀ ବନ୍ଧ କଥା

ଧରିବୁ କିଆଁ ତୁଣ୍ଡରେ ?


ଖାଇବା, ପିନ୍ଧିବା,ଘର, ସ୍ବାସ୍ଥ୍ୟସେବା

ସବୁ ଯେବେ ମାଗଣାରେ ,

କାହିଁକି କହିବୁ ଟଙ୍କା ନୁହେଁ, କାମ

ଦିଅ ବୋଲି ମିଛଟାରେ ?


ବଦଳି ଗଲାଣି ଆମ ଚିନ୍ତାଧାରା

ନ'ଜଗି ଆତ୍ମ ସମ୍ନାନ ,

ସରକାରୀ ଲାଭ ଉଠେଇବା ପାଇଁ

ଖୋଜୁ ଗରିବୀ ପ୍ରମାଣ ।


କରୁଛି ମିନତି ହେ ଭାରତ ବାସୀ

ନିଜ ସ୍ବାର୍ଥେ ହୋଇ ଅନ୍ଧ ,

ଡାକନା ବିପଦ ମାତୃଭୂମି ପାଇଁ

ବେଳ ଥାଉ ବନ୍ଧ ବାନ୍ଧ ।



Rate this content
Log in

Similar oriya poem from Inspirational