ଚାକିରୀ

କିଛି ଲୋକ ଭାବନ୍ତି ଚାକିରୀ କରିଥିବା

ଲୋକଗୁଡ଼ିକ ଭାଗ୍ୟବାନ

ସତରେ ନା କଣ

ହଁ ସରକାରୀ ଚାକିରୀଆଙ୍କ ପାଇଁ ପ୍ରଯୋଜ୍ୟ ବୋଧେ

ଘରୋଇ ବା ବେସରକାରୀ ଚାକିରୀ

ମୋର ମନକୁ ଏଇଟି ପ୍ରଶ୍ନଟିଏ ଆସେ

ଚାକର ଆଉ ଚାକିରିଆ ଭିତରେ ବେଶିକିଛି ଫରକ ଅଛିକି

ଉତ୍ତର ବୋଧେ ସମସ୍ତ ଚାକିରିଆଙ୍କୁ ଭଲକି ଜଣା

ହଁ ମୋତେ ବି

ସ୍ୱପ୍ନ ବାସ୍ତବ କଳ୍ପନା ଜଳ୍ପନା ଜୀଵନ ଅସ୍ତିତ୍ୱ

ସବୁ ଏହି ଚାକିରୀ ଭରସାରେ

ହଁ ମାଲିକେ ଯାହା କହିବେ

ଲୋକଙ୍କୁ ଲାଗେ ଏ.ସି ଘର ଭିତରେ ବସିଥିବା

ଲୋକଗୁଡ଼ାକ କି ଆହା କି ଖୁସିରେ ଅଛନ୍ତି

ହଁ ଥିବେ ବୋଧେ

ଏ.ସି ରେ ବସି ବସି

ଲୋକଙ୍କ ଭିତରେ ଥିବା ଡାଇବେଟିସ, ବ୍ଲଡ଼ ପ୍ରେସର

ଏମିତି ଆହୁରି କେତେ କଣ

ହେଲେ ବି ପାଗଳ ଏ ସାରା ସଂସାର

ଚାକିରୀ ନଥିଲେ ଝିଅ ମିଲୁନି ପରା

ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ଏମ୍ବିଏ କରିକି

ସେଲସ ମେନ ଚାକିରୀ ହଉ ପଛେ

ଆମେ ଚାକିରୀ ହି କରିବୁ

କ୍ଷେତ ବାଡ଼ି ଚାଷ କିଏ କରିବ ଯେ

ସେଥିପାଇଁ ତ ଚାଷୀଠାରୁ ଦଶ ଟଙ୍କାର ପିଆଜ ଆଣି

ଦୁଇ ଶହ ଟଙ୍କାରେ ବିକ୍ରି ହେଉଛି ବଜାରରେ

କୋଡ଼ିଏ ତାଙ୍କର ଚାଉଳ ବିକ୍ରି ହେଉଛି ଚାରିଗୁଣା ଦରରେ

କେବେ ଏଦିନ ବଦଳିବ

ସହରମୁଖା ମଣିଷ ଗାଁର ଗୁରୁତ୍ୱ ବୁଝିବ

ଚାଷ ଆଉ ଚାଷୀର ମୂଲ୍ୟବୋଧ ହେଜିବ

ଟେକ୍ନୋଲୋଜି ଆଉ ବିଜ୍ଞାନକୁ ଚାଷରେ ଲଗେଇବ

ପ୍ରକୁତ ବିଦ୍ୟାକୁ ମାନବ ସେବାରେ ନିୟୋଜିତ କରିବ