ଲାଇବ୍ରେରୀ
ପ୍ରୋଫାଇଲ୍
ବୟସର ସାୟାହ୍ନରେ
ବୟସର ସାୟାହ୍ନରେ
1 min
323
ବ୍ରୁଦ୍ଧ ବେନି ଜଣ ଯାଉ ଯାଉ ପଥେ
ଅଦ୍ଭୂତ ଆକର୍ଷଣ ରେ
ପରଷ୍ପର ପ୍ରତି ଅନୁରାଗ ପ୍ରୀତି
ଭରି ଆପଣା ମନ ରେ ।
ଆଳାପ ଆରମ୍ଭ କରିଲେ ଅଟକି
ଭବିଷ୍ୟତ ବିଷୟରେ
ଜାଣିବାକୁ ଚାହିଁ ରହିଲେ ଅନାଇ
ଅତୀତ ସ୍ମୃତି ଚିନ୍ତାରେ ।
ଅତୀତରେ ଆମେ ଖେଳି ପିଲା ଦିନେ
ବିତାଇଛୁ ମଉଜ ରେ
ବୁଢ଼ା ଦିନେ ଏବେ ଡାକନ୍ତି ସଭିଏଁ
ବୁଢ଼ା ମଉସା ନାମରେ ।
ସମୟ ସରିତ ସ୍ରୋତ ଯାଏ ବହି
ମହାକାଳ ପାରାବାରେ
ଉପନୀତ ଆମେ ଵେନିଏ ହୋଇଛୁ
ବୟସ ର ସାୟାହ୍ନ ରେ ।
କେଉଁ ଦିନ ଅବା ଘେନିବୁ ବିଦାୟ
ଶିହରଣ ପରାଣ ରେ
ବଞ୍ଚି ଅଛୁ ନିତି ଲାଗେ କେତେ ଖୁସି
ନାତି ନାତୁଣୀ ମେଳରେ ।
ସଭିଏଁ ଆଦର କରନ୍ତି ଅପାର
ଆମକୁ ବୃଦ୍ଧ କାଳରେ
ଯୌବନ ର ଗପ ମିଳାମିଶା ଦୁଃଖ
ନାହିଁ ଆଜି ବହୁ ଦୁରେ ।
ଛାଡ଼ିଚୁ ଦୁଃଖ କୁ ଜାବୁଡ଼ି ଖୁସିକୁ
ଚଳୁଛୁ ଖୁସି ମନ ରେ
ରୋମାଞ୍ଚ ସ୍ପନ୍ଦନ ଘେନି ମନ ପ୍ରାଣ
ଆହା କି ଆନନ୍ଦ ଭରେ ।
