ବୁଝି ମୁଁ ପାରୁନି ପ୍ରେମ ପରିଭାଷା

ବୁଝି ମୁଁ ପାରୁନି ପ୍ରେମ ପରିଭାଷା

ଆନନ୍ଦ ବି ଅଛି ବିରହ ବି ଅଛି

ସନ୍ତୋଷ ବି ଅଛି ସନ୍ଦେହ ବି ଅଛି।

କିଏ ବୁଝେଇବ ପ୍ରେମ କେଉଁ ପକ୍ଷୀ ନାମ

କେଉଁଠି ବାନ୍ଧିଛି ସେ ତା ବସା

ବୁଝି ମୁଁ ପାରୁନି ପ୍ରେମ ପରିଭାଷା।

ହସ ବି ଅଛି ଲୁହ ବି ଅଛି

ଖୁସି ବି ଅଛି କୋହ ବି ଅଛି

ଜାଣି ମୁଁ ପାରୁନି ପ୍ରେମର ସଂଜ୍ଞାକୁ

ତୁଚ୍ଛାରେ ହୁଏ ମୁଁ ଲୋକହସା

ବୁଝି ମୁଁ ପାରୁନି ପ୍ରେମ ପରିଭାଷା।

ସତ ବି ଅଛି ଛଳନା ବି ଅଛି

ମିଳନ ବି ଅଛି ବାହାନା ବି ଅଛି

ବୁଝି ହେଉନାହିଁ କିଭଳି ଗଣିତ 

କେମିତି କରିବି ସେ ଅଙ୍କକଷା

ବୁଝି ମୁଁ ପାରୁନି ପ୍ରେମ ପରିଭାଷା।