ବୁଦ୍ଧଂ ଶରଣମ ଗଛାମି
ବୁଦ୍ଧଂ ଶରଣମ ଗଛାମି
ନବମାବତାର ହେ ବୁଦ୍ଧଦେବ ଘେନ ପ୍ରଣତି
ଚଉବର୍ଗ ଦାତା ସରଳ ଶାନ୍ତ ସୌମ୍ୟ ମୂରତି |
ଶୁଦ୍ଧଚେତ୍ତା ଶୁଧୋଦନ ଯା ପିତା ଜନନୀ ମାୟା
ଅବିରତ ଥିଲ ବୈରାଗୀ ତେଜି ସଂସାର ମାୟା |
ବିଭାହେଲ ଯଶୋଧାରାଙ୍କୁ ବିଶ୍ୱସାର ସୁନ୍ଦରୀ
ବରବଧୂ ଗର୍ଭୁ ଜନ୍ମିଲା ପୁତ୍ର ରାହୁଲ ପରି |
ଭବନ ଭ୍ରମଣେ ଦର୍ଶନ କରୁ ଚତୁର ଦୃଶ୍ୟ
ବାଉଳି ହୋଇଣ ତେଜିଲ ଗୃହ ଲଭି ବିତୃଷ୍ଣ |
ରାଜ ସିଂହାସନ ବୈଭବ ଦାରା ପୁତ୍ର ବନ୍ଧନ
ବାନ୍ଧି ପାରିଲାନି ତୁମକୁ ଆହେ ଶାକ୍ୟ ନନ୍ଦନ |
ବୋଧି ଦ୍ରୁମ ତଳେ ବସିଲ ହୋଇ ତପେ ନିମଗ୍ନ
ଇପ୍ସିତ ଜ୍ଞାନକୁ ପ୍ରାପତ କଲ ସନ୍ଥ ସର୍ବଜ୍ଞ |
ଆର୍ଯ୍ୟ ଚତୁର୍ସତ୍ୟ ଅଷ୍ଟାଙ୍ଗ ମାର୍ଗ କଲ ପ୍ରଚାର
ଦେଶ ଦେଶାନ୍ତରେ ବଉଦ୍ଧ ଧର୍ମ ହେଲା ବିସ୍ତାର |
ସିଦ୍ଧାର୍ଥ ଗୌତମୁ ହୋଇଲ ବୁଦ୍ଧ ଯୁଗାବତାର
ବରଷି ଅହିଂସା ମନ୍ତର କଲ କ୍ଷିତି ନିସ୍ତାର |
ଯାଗେ ପଶୁବଧ କରୁଣ ଦୃଶ୍ୟ ଦହୁ ଅନ୍ତର
ଜଘନ୍ୟ ପ୍ରଥାର ଦୂରୀକରଣେ ହେଲ ତତ୍ପର |
ଅବତରି ତୁମେ ଧରାରେ ହରି ଦୁସ୍କୃତିରାଜି
ବଉଦ୍ଧ ଧର୍ମର ଦର୍ଶନେ ଦେଲ ଧରଣୀ ମାଜି |
ବୁଦ୍ଧଂ ଶରଣମ ଗଛାମି ସଂଘଂ ଶରଣମ ଗାମୀ
ଲକ୍ଷ ଲକ୍ଷ ଶିଷ୍ୟ ଉତ୍ତାରି ଦେଲ ହେ ମୁକ୍ତିକାମୀ |
ବୁଦ୍ଧ ହେ ଏସିଆ ମହାଦେଶର ଆଲୋକ ହୋଇ
ଅତିନ୍ଦ୍ରିୟ ଜ୍ଞାନ ବିତରି ସର୍ବ ମାନସ ମୋହି |
ମହାଗ୍ରନ୍ଥ ତ୍ରିପିଟକକୁ ତୁମେ କଲ ରଚନ
କରପତ୍ର ଯୋଡ଼ି ଶ୍ରୀପାଦପଦ୍ମ କରୁ ବନ୍ଦନ |