ବସ୍ତି ଓ କରୋଣା

ଗଞ୍ଜାମକୁ ଏବେ ବଳିଗଲା ଖୋର୍ଦ୍ଧା

କରୋଣା ବିସ୍ତାରେ କାୟା

ନିତି ବାହାରନ୍ତି ଶହେରୁ ଅଧିକ

ସଂକ୍ରମିତ ନୂଆନୂଆ ।

ଖୋରଧା ଜିଲ୍ଲାରେ ଆମ ରାଜଧାନୀ

ଅବସ୍ଥା ତା ବଳିଯାଏ

ସହରରେ ଅଛି ଯେତେ ସବୁ ବସ୍ତି

ଚିନ୍ତା ତ ବଢାଇ ଦିଏ ।

ବସ୍ତି ତ ଏମିତି ଅଳପ ଜାଗାରେ

ରହୁଛନ୍ତି ବେଶି ଲୋକ

ଦୁଇଗଜ ଦୂର ନିୟମ ମାନିବା

ତାଙ୍କ ପାଇଁ ବଡ ଦୁଃଖ।

ରାଜଧାନୀର ତ ବାବୁ ବାବୁଆଣୀ

ଘର କାମେ ସବୁ ଢିଲା

ରନ୍ଧାବଢା ଆଉ ସଫାସଫି ପାଇଁ

ଆସିଥାନ୍ତି ବସ୍ତି ପିଲା ।

ବସ୍ତି କାମବାଲି କାମ କରୁଛନ୍ତି

ବୁଲିବୁଲି ଘରଘର ।

ସେଥିପାଇଁ ଏବେ କରୋଣାର ମାୟା

ମନରେ ବଢାଏ ଡର।

ରାଜଧାନୀରେ ତ ଅଛି ଯେତେ ବସ୍ତି

ସବୁ ଏବେ ହଟ୍ ସ୍ପଟ

ତାଙ୍କ ପାଇଁ ଆଜି ସାରା ରାଜଧାନୀ

ହେଉ ଅଛି ଛଟପଟ ।