ବସନ୍ତର ଚିଠି
ବସନ୍ତର ଚିଠି
ବସନ୍ତ ଦେଇଛି ପ୍ରୀତିଭରା ଚିଠି
ମନ ମାରି ପ୍ରିୟା ତାରରୁଷିଛି,
ଲଫାପା ଭିତରେ ପ୍ରେମରବାରତା
ଛପି ଛପି ପରା ଗୋଲାପି ଦିଶୁଛି ।
ନୀଳ ଲଫାପାରେ ଦେଇଛି ସେ ଚିଠି
ମଧୁବନେ କରି ପୁଣି ଅପେକ୍ଷା,
ମଧୁର ପରାଣେ ମଧୁ ପ୍ରୀତି ବୋଳି
ପ୍ରିୟାର ତୁଟାଇବ ସବୁ ପ୍ରତୀକ୍ଷା ।
ଅଳସି ପ୍ରେମିକା ବିରହୀ ସାଜିଛି
ମୌନ କିଆଁ ତାରେ ସାଜିଛି,
ମଳୟ ଲାଗୁଛି ନିଦାଘର ପରି
କୋକିଳ ସୁରଟା ହଜିଯାଇଛି ।
ବସନ୍ତର ଚିଠିରଙ୍ଗରେ ଭରିଛି
ସେରଙ୍ଗ ପ୍ରିୟା ତାର ଟିକେ ମାଖିବ,
ରଙ୍ଗେଇ ହୋଇ ସେ ପ୍ରିୟ ପାଶେ ତାର
ପ୍ରୀତିରରାଗିଣୀ ପଠାଇଦେବ ।
ଫଗୁଣର ବୋଳିରଙ୍ଗେ ପିଚିକାଳି
ତନୁ ମନ ତାର ପବିତ୍ର କରିବ,
ପ୍ରେମରେ ବିରହୀ କବିତା ଲେଖିବ
ଚିଠି ପଢି ମନ ତାର ତୋଷିବ ।
କେତେ ହୃଦଭରା କାହାଣୀରହିଛି
ବସନ୍ତର ବାର୍ତ୍ତା ସେ ପଢ଼ିବ,
ତନୁ ମନ ତାର ଉଲ୍ଲାସରେ ନାଚି
ପାଦରେ ଘୁଙ୍ଗୁର ସିଏ ବାନ୍ଧିବ ।
ଏ ଚିଠି ପ୍ରତୀକ୍ଷା ଯୁଗ ଯୁଗ ପାଇଁ
ରହିଥିଲା ପୁଣିରହିବ,
ପ୍ରୀତିରରାଗିଣୀ ଗାଇ ଗାଇ ପ୍ରିୟା
ବସନ୍ତ ଚିଠି କୁ ଚାହିଁରହିବ ।
ବସନ୍ତର ପଳାୟନ୍ତେ ପ୍ରିୟା
କେତେ ଯେ ଯାତନା ସେ ପାଇଛି,
ବଣ, ବିଲ,ଲତା କେତେ ଯେ ଖୋଜୁଛି
ବିରହିଣୀ ସାଜି ଦିବସ କାଟିଛି ।
ଜୀବନର ନଈ ଅଙ୍କା ବଙ୍କା ବହି
ପ୍ରିୟା କୁ ତାର ଦିନ ଦେଇଛି,
ଆଜିସେ ପାଖେଇ ତା କାନରେ କହୁଛି
ଆ - ତୋ ବସନ୍ତ ଚିଠି ଦେଇଛି ।