ବସନ୍ତ

ଗଲାଣି ଶୀତ

ହସେ ବସନ୍ତ

ଆମ୍ବ ବଉଳ କଷି,

କୁହୁକ ତାନ

କୋଇଲି ଗାନ

ମଳୟ ଆସେ ପସି।

ଜଙ୍ଗଲ ଶୋଭା

ପୁରୁଣା ଥିବା 

ପତର ଗଲା ଝଡି,

କଁଅଳ ନୂଆ

ପରିକା ଛୁଆ

ଯାଆନ୍ତି ଗଛ ବଢ଼ି।

ନାଲି କାଗଜି

ପଳାଶ ରାଜି

ରଂଗ ବୋଲିଲେ ଧରା,

ଫୁଲ ପରାଗ

ପାଇଁ ସରାଗ

ରାଗିଣୀ ମଧୁ ଝରା ।

ଆକାଶେ ଇନ୍ଦୁ 

ପାକଲା କେନ୍ଦୁ

ରାତିରେ ମାତି ଭାଲୁ,

କରଞ୍ଜ କିଆଁ

ମହକ ମୁହଁ।

ପବନ ବଡ ଚାଲୁ।

ଚଞ୍ଚଳ ମନ

ସଙ୍ଗାତ ଜନ

ମାରିବେ ପିଚକାରୀ,

ଖେଳିବା ହୋଲି

ଅଭିର ବୋଳି

ବିମାନେ ଗିରିଧାରୀ।

ପିଲା ମାନଙ୍କ ପାଇଁ ଟିକି କବିତା,

' ଆମ୍ବ ବଉଳ 'ବସନ୍ତର ବାରତା ।