ବସନ୍ତ ପଞ୍ଚମୀ
ବସନ୍ତ ପଞ୍ଚମୀ
ମାଘ ଶୁକ୍ଳପକ୍ଷ ବସନ୍ତ ପଞ୍ଚମୀ
ଶୁଭ ଆବିର୍ଭାବ ତିଥି
ଆସ ଭଗବତୀ ମାଆ ବୀଣାପାଣୀ
ଶାରଦେ ମା ସରସ୍ୱତୀ ।
ଶୁଭ୍ର ଶ୍ୱେତବସ୍ତ୍ର କରି ପରିଧାନ
ବିଶୁଦ୍ଧ ମାନସ ହ°ସେ
ବରଦ ମୁଦ୍ରାରେ ଦିଅ ଦରଶନ
ପୁସ୍ତକ ବୀଣା ସାହିତ୍ୟେ ।
ନିନାଦିତ ହେଉ ଗଗନ ପବନ
ଶୀତଳ ମୃଦୁ କମ୍ପନ
ବୀଣାର ଝଙ୍କାର ପୁକାରୁ ପ୍ରଣବ
ଦିଅ ସଦବୁଦ୍ଧି ଜ୍ଞାନ ।
ନାଶ ଅନ୍ଧକାର ଜଡ଼ତା ଅଜ୍ଞାନ
ସ୍ୱଚ୍ଛନ୍ଦ ହେଉ ଜୀବନ
ନ ହେଉ ସନ୍ତ୍ରସ୍ତ ପୀଡିତ ପତିତ
ସୁନ୍ଦର ଏ ସୃଷ୍ଟି ମୈ।ନ ।
ହୃଦ ସହସ୍ରାର ପ୍ରଫୁଲ୍ଲ କମଳ
ବିଭୋର ମନ ତଲ୍ଲୀନ
ବହୁ ମୃଦୁମନ୍ଦ ମଳୟ ସମୀର
ଉଲ୍ଲସୁ ଜୀବନ ପ୍ରାଣ ।
ଗୁଞ୍ଜୁ ପ୍ରତିକଣ୍ଠେ ଜୀବନ ସଙ୍ଗୀତ
ବିକଶୁ ପ୍ରତିଭା ବିଦ୍ୟା
ଆସ ବାଗଦେବୀ ଜନନୀ ଭାରତୀ
ବ୍ରହ୍ମସୂତା ବିଶ୍ୱବନ୍ଦ୍ୟା ।