ବସନ୍ତ ଆଗମନେ
ବସନ୍ତ ଆଗମନେ
1 min
980
ପ୍ରକୃତି ରାଣୀ କି ଶୋଭିତ
ଚାରୁ ସୁମନ
କବରୀ କୁଞ୍ଜରେ ଜଡିତ ।
ଦୂର ପରଦେଶୀ ହଳଦୀ ବସନ୍ତ
ସଧୀରେ କି କାହୁଁ ଆସିଲା
ତରୁ ଶାଖାପରେ ମଞ୍ଜୁଳ ରାଗରେ
ରହି ରହି ଗୀତ ଗାଇଲା ,
ଶାଳ ବିଥୀରେ ,
ଜୋଛନା ଧରାକୁ ଛୁଇଁଲା ।
ଅଳି ଗୁଞ୍ଜନରେ କଳି ଲାଜବତୀ
ସମୀର ଚାମର ଢାଳିଲା
ମିଳନର ମଧୁମାସ ଆସିଲାକି
ପଳାଶରେ ରଙ୍ଗ ଭରିଲା ,
ନବ ଯୁବତୀ ,
ରଭସରେ ଚିତ୍ତ ବୁଡିଲା ।
ଫଗୁ ରଙ୍ଗ ବୋଳି ପବନରେ ଦୋଳି-
ଖେଳି କୃଷ୍ଣଚୂଡା ଫୁଟିଲା
ଚୂତ ମୁକୁଳରେ ବାସ ଚହଟାଇ
ଚଉଦିଗେ ଧରା ହସିଲା ।