ବସନ୍ତ ଆଗମନ
ବସନ୍ତ ଆଗମନ
ରାଗ-ଆହାରୀ-
ପ୍ରଫୁଲ୍ଲ ଅନ୍ତରେ ପ୍ରକୃତି ବକ୍ଷରେ
ପ୍ରବେଶିଲେ ଋତୁରାଜନ,
ପ୍ରମୋଦେ ଧରଣୀ ବିଲୋକିବାକ୍ଷଣି
ପ୍ରଣିପାତ କରି ବହନ,
ପ୍ରଦାନେ -ଶ୍ୟାମଳ ପାରିନ୍ଦ୍ର ଆସନ,
ପ୍ରଶାଖା ପ୍ରସାରି ପାଦପେ ପଲ୍ଲବ
ପ୍ରସୂନେ କରିଲେ ପୂଜନ।୧।
ପ୍ରଶଂସା ପ୍ରଚାରେ ପ୍ରାନ୍ତରେ ପ୍ରାନ୍ତରେ
ପ୍ରମତ୍ତ ଭ୍ରମର ଗୁଞ୍ଜନ,
ପ୍ରମଦା ଉରଜ ଘାତେହୋଇ ଖଞ୍ଜ
ପ୍ରଭଞ୍ଜନ ଧୀର ଗମନ,
ପ୍ରଧାନ-ପ୍ରଣୟଫାଶରେ ମଦନ,
ପ୍ରକୋପେ ପ୍ରହାର କରି ପଞ୍ଚଶର
ପ୍ରତି ପ୍ରାଣେ ଆଣେ କମ୍ପନ।୨।