ଲାଇବ୍ରେରୀ
ପ୍ରୋଫାଇଲ୍
ବୃଥା ଆସ୍ଫାଳନ।
ବୃଥା ଆସ୍ଫାଳନ।
1 min
345
ଅନ୍ଧଦେଶେ ଭାଇ ଦର୍ପଣ ବିକିଲେ
ଦୃଷ୍ଟି ଶକ୍ତି କି ଫେରିବ
ନିମ୍ବ ବାଟୀକାରେ ମଳୟ ଲାଗିଲେ
ଚନ୍ଦନ କି କେବେ ହେବ
ଚାକୁଣ୍ଡା ବୁଣିଲେ ଉଠେ ନାହିଁ ଯେବେ
କି ଫସଲ ଉଗାଳିବ
ଲାଙ୍ଗୁଡ ନଥିବା ଚଷା ପୁଅ କେବେ
ଚଷା ତଳେ ଗଣାହେବ
ମୋଚି ଠୁଁ ଚମଡା ବେପାର କରିକି
ମହାଜନ ହେବ ନାହିଁ
କୁସୁମ କାଠରୁ ପାଣି ନିଗାଡିବା
ବୃଥା ଚେଷ୍ଟା କର କାହିଁ
ପାଣ୍ଡିତ୍ୟ ନ ଥାଇ ପଇତା ଦେଖାଇ
ନିଜକୁ ବୋଲାନ୍ତି ଗୁଣି
ସବୁ ଚକ୍ ମକିଆ ସୁନା ନୁହଁ ଭାଇ
କାଚ, କାଚ ମଣି ମଣି
