ବରଷାରାଣୀ ବରଷାରାଣୀ

    

ବରଷାରାଣୀ ବରଷା ରାଣୀ

            ମେଘ ଓଢ଼ଣି ଟାଣି l

ଦୁମୁ ଦୁମୁକା କୁଆ କରକା 

           ବରଷି ଦେଏ ପାଣି ll

ହୋଇ ଚାତକ ଅତି ଆତଙ୍କ

            ସରଗେ ଛନ୍ତି ଚାହିଁ l

ବୃକ୍ଷରୁ ଝଡ଼ି ପତର ପଡ଼ି

           ଝିଙ୍କାରୀ ଝିଇଁ ଝିଇଁ ll

ଟାଙ୍ଗର ମହୀ ଆର୍ତ୍ତେ କାନ୍ଦଇ

            ଶୁଖିଲା ନାଳ ନଈ l

ଜୀବ ସକଳ ହୋଇ ଆକୁଳ  

           ଡାକନ୍ତି ତ୍ରାହି ତ୍ରାହି ll

ହନୁ ଲାଙ୍ଗୁଳ ନିଆଁର ହୁଳ

           ଗାଆଁକୁ ଗାଆଁ ଡେଇଁ l

ଶ୍ମଶାନ ଜାଣ ହେଲାଣି ପୁଣ

           ପାଞ୍ଜିଆ ଥିଲେ କହି ll

ବେଙ୍ଗ ମୁଣ୍ଡର ଦେଇ ସିନ୍ଦୁର 

          ବେଙ୍ଗୁଲି ବାହା ବାଜା l

ଜନେ ପୂଜନ୍ତି ଭକ୍ତିରେ ଅତି 

           ଇନ୍ଦର ମେଘ ରାଜା ll

ହେ ମେଘ ରାଜା ବଜାଇ ବାଜା

           ଚାରି ମେଘକୁ ପେଷି l

ଆଆରେ ଆଆ ଶୀତଳ ବାଆ

          ଢାଳି ଦେଇ ଯା ଆସି ll

ଘୋଟିଲା ମେଘ ପ୍ରାଣୀ ଆବେଗ 

            ନଭେ ଜଳଦ ମାଳ l

ପ୍ରାଣୀ ଜୀବନ ସନ୍ତୋଷ ଜନ 

           ବିଜେ ବରଷା କାଳ ll

ରଜ ମଉଜ ସାଜି ଫଉଜ

            ଧରଣୀ ମାତା ପୁଜା l

ରଥ ଦଉଡି଼ ଭକତେ ଭିଡ଼ି 

        ଶ୍ରୀକ୍ଷେତ୍ରେ ବାଜେ ବାଜା ll