ବରଷା

କ୍ଷିତୀଶ ଜେନା

ହୁଏ ଚାଷୀଭାଇ ଖୁସି

ହୁଏ ଚାଷଜମି ଖୁସି

ଖୁସିରେ ଚାତକ ପକ୍ଷୀ

ଜଗି ରହିଥାଏ ବସି

ଖୁସିହୁଏ ବସୁନ୍ଧରା

କରେ ଆଲିଙ୍କନ ପରା

ମାଟିତଳୁ ବେଙ୍ଗ ରାଜା

ବଜାଏ ତୁରୀ

ଆକାଶରୁ ଝରେ ଯେବେ

ବରଷା ବାରି ।

ତାତି ହୁଏ ଦୂରୀଭୂତ

ଧରାଲାଗେ ଶୀତଳ

ଆନନ୍ଦରେ ରହେ ନର

ପଶୁପକ୍ଷୀ ସକଳ

ଗଛ ଥିଲେ ଝାଉଁଳି

ପତ୍ର ଯାଏ କଅଁଳି

ନଈନାଳଯାଏ ପରା

ଜଳରେ ଭରି

ଆକାଶରୁ ଝରେ ଯେବେ

ବରଷା ବାରି ।

କୁନି ପିଲା କାଗଜରେ

ଭସାନ୍ତିରେ ଡଙ୍ଗା କରି

ଗଲେ ଆମେ ବାହାରକୁ

ଯାଉ ଆମେ ଛତା ଧରି

ଲଗାଇଲେ ଗଛଟିଏ

ପାଣି ପାଇ ବଞ୍ଚିଯାଏ

ବୁଣିଥିଲେ ବିହିନରୁ

ଯାଏ ଗଜା ବାହାରି

ଆକାଶରୁ ଝରେ ଯେବେ

ବରଷା ବାରି ।