ବର୍ଷା ଓ ନୀଳକଇଁ

ନୀଳ ଋତୁମାନେ ନୀଳକଇଁ ସାଥେ

ରଙ୍ଗୋଲି କଲେ ସାରା ଆକାଶ

ମୌସୁମୀ ପରଶେ ବରଷା ଆସିଛି

ସବୁଜ ଧରଣୀ ପ୍ରକାଶ ll

ରଙ୍ଗ ଧୋଇଗଲା ବର୍ଷା ନେଇଗଲା

ଲୁଚାଇ ରଖିଲା ନୀଳକଇଁ ଉଆସ

ନୀଳବିଷ ପିଇ ଚାତକିନୀ ସମ କହେ

ବରଷା ହୁଅନା ବତାସ ll

ବରଷା କହିଲା ଋତୁ ବଦଳିଲା ଜହ୍ନ

ଲୁଚିଗଲା ହେଲୁ ଉଦାସ

ମୌସୁମୀ ସାଥେ ମୟୁର ନାଚୁଛି ଦେଖ

ଯାହା ଭାଗ୍ୟ ଯେବେ ପ୍ରକାଶ ll

ସୂର୍ଯ୍ୟ ଡୁବିଲେ ଖରା ନାହିଁ ଆଉ ଉତ୍ତାପ

ଖରା ବର୍ଷା ଶୀତ ବସନ୍ତ ହେମନ୍ତ ଶରତ

ଧରଣୀରେ ଆସନ୍ତି ହୋଇ ହସ ହସ ll

ଚାନ୍ଦ ଲୁଚିଗଲେ ତାରା ଲୁଚିଗଲେ ବର୍ଷା

ଆସିଛି ନେଇ ବିଜୁଳି ଛାଇଯାଇ ଆକାଶ

ନୀଳକଇଁ ଇର୍ଷା କରନାହିଁ ନୀଳବିଷ ପିଅନାହିଁ

ପୁଣି ଖେଳିବ ଓଠେ ହସ ll

ବରଷା ଆସିଲେ ସବୁଜ ଦିଶିବ କ୍ଷେତ ଚାଷୀର ମିତ

ପଶୁ ପକ୍ଷୀ ପାନୀୟ ପାଇବେ ଅଶେଷ

ତୁମେ ନୀଳକଇଁ ଅପେକ୍ଷା ଶିଖି ଯାଇ ଥୟ ହୋଇ

ହୁଅ ହରଷ ଆସିବ ମଧୁମାସ ll

ଦୁଃଖ ପରେ ସୁଖ ଆସେ ଯାଏ ଏମିତି

ବିତୁଥାଏ ବରଷକୁ ବରଷ

କେତେବେଳେ ଭାଗ୍ୟ ରେଖା ଓଲଟ ପାଲଟ

ଶିଖିଯାଇଛି ଦେଖ ଏ ମଣିଷ

ଓଠର ଭାଷାକୁ କଥାରେ ନକହି କବି ଲେଖେ

କବିତା ସରସ ତୁମେ ନୀଳକଇଁ ହୁଅ ହରଷ ll