ବର୍ଷା ବିତାନ

ଝରକା ସେପାଖେ ବରଷା ଝରୁଛି

ଗାଉଛି ବେସୁରା ଗୀତ

ଆପଣା ପଣରେ କୋଳେଇ ନେବାକୁ

ବଢାଇ ଦେଉଛି ହାତ I

ବରଷାରେ ଜମା ଭିଜିବନି ପ୍ରିୟା

ଦେହେ ଭରିଯିବ ତାତି

ଉଛୁଳି ଉଠିବ ପ୍ରେମର ସାଗର

ଦିନ ବି ଲାଗିବ ରାତି I

ବିରହ ବେଦନା ବରଷା ବିତାନେ

ପାଇଯିବ ଜୀବନ୍ୟାସ

ତୁମ ପ୍ରେମ ପାଇଁ ଲେଖି ହୋଇଯିବ

ଅଲିଖିତ ଇତିହାସ I

ଆସ ପ୍ରିୟତମା ଡେରି କରନାହିଁ

କବିତାରେ ଦିଅ ସ୍ୱର

ସ୍ଥିର ହୋଇଯାଉ ଅଭିମାନେ ଭରା

ବିଦେହୀ ମନଟା ମୋର I

ତୁମପାଇଁ ପ୍ରିୟା ସଜାଡି ରଖିଛି

ହୃଦୟନିଗିଡା ପ୍ରେମ

ତୁମପାଇଁ ସଖୀ ସପନ ଘୋଷୁଛି

ସପନେ ତୁମରି ନାମ I

ମୋ ଓଠେ ଦେଇଛ ହସର ଲହରୀ

ଆଖିରେ ଦେଇଛ ଲୁହ

ତଥାପି ହଜୁନି ହୃଦୟରୁ ମୋର

ନୀଳ ଜୋଛନାର ମୋହ I