ବର୍ଣ୍ଣମାଳା

କାହାକୁ କହିବି

କିଏ ବା ଶୁଣିବ ଏଠି,

ହୃଦୟର ନିବୁଜ କୋଠରୀ ରୁ

ବାହାରି ଆସୁଥିବା ଅମାନିଆ

ଶବ୍ଦ ସବୁ ଗୁଡ଼ିକୁ !!

ବର୍ଣ୍ଣ ମାଳା ଯେତେ ଅକ୍ଷର

କୁଆଡୁ କେମିତି ଯୋଡ଼ି ହୋଇ

କେତେ ଯେ ଅଭିମାନୀ ଶବ୍ଦ

ତିଆରି ହୋଇଯାଉଛି, ପଛକୁ ପଛ

ଗୋଟେ ପଢିଲା ବେଳକୁ

ଆଉ ଗୋଟେ ତା ପଛରେ

ଦଣ୍ଡାୟାମାନ , ନିଜର ପାଳି ଜଗି!!

ମୁଁ ବି ଦ୍ବନ୍ଦରେ, କାହାକୁ ଶୁଣିବି

ଗୋଟିଏ ଶୁଣିଲେ

ଆଉ ଗୋଟିଏ ର ରାଗ ଅଭିମାନ....

କିନ୍ତୁ , ଏଠି କିଏ ବା ଅଛି ଯେ, ଶୁଣିବ ମୋର

ସେଇ ନିଭୃତ କୋଠରୀ ର କାହାଣୀ !!!