ବୃକ୍ଷ ସ୍ୱ ବାର୍ତ୍ତା
ବୃକ୍ଷ ସ୍ୱ ବାର୍ତ୍ତା
ମୁଁ ବୃକ୍ଷ କହୁଛି ମୋର କଥା କିଛି
ଦେଇ ଶୁଣ ମନ ଧ୍ୟାନ ।
ଦେବି ଶାନ୍ତି ସୁଖ ରହିବନି ଦୁଃଖ
କଲେ ରେ ମୋତେ ଯତନ ।।୧
ସନ୍ତାନ ମୋ ଶୁଣ କଲେ ଯେ ରୋପଣ
ଦେବି ଫୁଲ ଫଳ ସଦା ।
ଚଷା ର ମୁହଁରେ ହସ ମୁଁ ଦେବି ରେ
କ୍ଷେତ କୁ କରିବି ଓଦା ।।୨
ବର୍ଷା ଖରା ଶୀତ ସନ୍ଧ୍ୟା ରୁ ପ୍ରଭାତ
ଲଗିବି ସେବାରେ ସଦା ।
ଚାଲିଗଲେ ମୁହିଁ ରହିବେନି କେହି
ଶବ ହୋଇବ ଯେ ଗଦା ।।୩
ଉତ୍ତାପ ବଢିବ ଅଗ୍ନି ବରଷିବ
ସମୁଦ୍ର ଲଂଘିବ କୂଳ ।
ଅଙ୍ଗାର କାମଳ ବଡ଼ିବ ସହଳ
ହେବ ସଭିଙ୍କର କାଳ ।।୪
ତେଣୁ ମୋର ଧନ ଏବେ ସବୁ ଜନ
ବସ୍ତୁବାଦୀ ଗୁଣ ଛାଡ ।
ପ୍ରକୃତି ପ୍ରେମରେ ସଭିଏଁ ପଡ ରେ
ଆସି ନୂତନ ମୋଡ଼ ।।୫
ନହେଲେ ଦୁନିଆଁ ଜାଳି ଦେବ ନିଆଁ
ଆମେ ସଭିଏଁ ମରିବା ।
ତେଣୁ ମୋର ଧନ ଚାଲ ସବୁ ଜନ
ବୃକ୍ଷ ରୋପଣ କରିବା ।।୬