ବ୍ରହ୍ମଚାରିଣୀ
ବ୍ରହ୍ମଚାରିଣୀ
ମହାମାୟୀ ମନସ୍ବିନୀ
ନିରଞ୍ଜନୀ ନାରାୟଣୀ
ଦ୍ଵିତୀୟା ନିଶିରେ ପୂଜା
ପାଅ ବ୍ରହ୍ମଚାରିଣୀ.l
ଚଣ୍ଡୀକା କାଳିକା ନୁହେଁ
ନୁହେଁ ରୂପ ଭଇରବୀ
ଶାନ୍ତ, ସୌମ୍ୟ କାନ୍ତି ରୂପେ
ଗୁରୁଶ୍ରମେ ଶିଷ୍ୟା ଭାବି.
ଆଶ୍ରମେ ବ୍ରାହ୍ମଚାରିଣୀ
ଗେରୁଆ ବସ୍ତ୍ର ଧାରିଣୀ.
ହସ୍ତରେ ରୁଦ୍ରାକ୍ଷ, ଗଡୁ
ସାଜିଛ ବେଶ ଯୋଗିନୀ. l
ଶିବଙ୍କୁ ଲଭିବା ପାଇଁ
କଠୋର ତପସ୍ୟା ଧ୍ୟାୟୀ.
ଯୋଗାଧ୍ୟାନେ ଦିନ ବିତେ
କେତେ କଷ୍ଟେ ମହାମାୟୀ.
ଦୁର୍ଲଭ ରୂପେ ଭବାନୀ
ପ୍ରତି ଶକ୍ତି ପିଠେ ପୁଣି.
ପୂଜା ପାଉ ଦ୍ଵିତୀୟାରେ
ରୂପେ ମା ବ୍ରହ୍ମଚାରିଣୀ. l