Library
Profile
ବୋଲେ ହୁଁଟି
ବୋଲେ ହୁଁଟି
1 min
323
କଙ୍କାଳ ଦେହରେ ମାଉଁସ ଲଗେଇ
ପ୍ରାଣ ଟିକେ ଭରିଦେବୁଟି
ବୋଲେ ହୁଁଟି
ମିଠାର କଥାରେ ସ୍ୱାର୍ଥର ଗନ୍ଧକୁ
ସତ ବୋଲି ବାରିଦେବୁଟି
ବୋଲେ ହୁଁଟି
ମନର ଡୋରିରେ ମମତା ଫୁଲକୁ
ଭଲ କରି ବାନ୍ଧିଦେବୁଟି
ବୋଲେ ହୁଁଟି
ଲୁହର ମଣିଷ ମୋହରେ ଭିଜିଲେ
ଆଖି ଲୁହ ପୋଛିଦେବୁଟି
ବୋଲେ ହୁଁଟି
ଅବୋଧ୍ୟ ଛାଡିକି ସରଳ ପଦ୍ୟକୁ
ଆଶା ଭରା ମନଦେବୁଟି
ବୋଲେ ହୁଁଟି
ଲକ୍ଷ୍ୟର ବିପଣୀ ଦକ୍ଷତା ଭିତ୍ତିରେ
ଇଛା ଖର୍ଚ୍ଚ ସାରିଦେବୁଟି
ବୋଲେ ହୁଁଟି
ଶାନ୍ତିର କପୋତ ଆଉଁସି ଶ୍ରଦ୍ଧାରେ
ହାତ ତୋର ଚାଳିଦେବୁଟି
ବୋଲେ ହୁଁଟି
ନିଜର ଛାଇକୁ ଚିହ୍ନିବା ଭିତରେ
ନିଜ ପର ଚିହ୍ନିଦେବୁଟି
ବୋଲେ ହୁଁଟି
ନଶ୍ବର ଦୁନିଆ ଭାସ୍ବର ହେବାକୁ
ଛଳ ଭୁଲା ଭାବିଦେବୁଟି
ବୋଲେ ହୁଁଟି
