ବୋଲ ଜମା ମାନୁନାହିଁ
ବୋଲ ଜମା ମାନୁନାହିଁ
ସ୍ୱପ୍ନର ସହର ତୁମେ
ଫଗୁଣ ଅବିର
ଆଶାର ଝରଣା ତୁମେ
କଳ୍ପନା ସାଗର।
ପୁନେଇଁ ଜହ୍ନ ତୁମେ
ସୁନେଲି ସକାଳ
ବସନ୍ତ୍ର କୋଇଲିଟେ
ଆମ୍ବର ବଉଳ।
ଶ୍ରାବଣର ଶୋଷ ତୁମେ
ଶୀତର କମ୍ବଳ
ବୈଶାଖୀ ଝାଞ୍ଜି ଖରା
ଲାଗି ତ ଚନ୍ଦନ।
ସୋରିଷ ଫୁଲର ରଙ୍ଗ
ମୁଖ ତୋ ଦର୍ପଣ
ମନ ତୋର ଖୋଲା ବହି
ଆଖି ତୋ ହରିଣ।
ଏମିତି ଝିଅର ପ୍ରେମେ
ହୋଇଛି ପାଗଳ
ଦିନେ ନ ଦେଖିଲେ ମନେ
ଅଶାନ୍ତ ମନଘର।
ଚୋରେଇ ନେଇଛି ସେତ
ଏ ମନ ମୋହର
ବୋଲ ଜମା ମାନୁ ନାହିଁ
ମନ ପକ୍ଷୀ ମୋର।