ବୋଝ

ଦୁନିଆଟା ଆଜି  ଏତେ ସ୍ଵାର୍ଥପର

ଧାଏଁ ନିଜ ସ୍ଵାର୍ଥ ପାଇଁ ,

ନିଜ ସ୍ଵାର୍ଥ ଖୋଜେ ନିଜର ବୋଝକୁ

ଅନ୍ୟ ମୁଣ୍ଡେ ଲଦି ଦେଇ ।

ବୁଝେ ନାହିଁ ସିଏ  ବୋଝର ଓଜନ

ବୋହିକି ପାରିବ ଲୋକ,

ଧିକ ତା ଜୀବନ  ନିଜ ସ୍ଵାର୍ଥ ପାଇଁ

ଦେଖେ ନାହିଁ ଅନ୍ୟ ଦୁଃଖ ।

ନିଜ ସ୍ଵାର୍ଥ ପାଇଁ ଆଜି ବି ସନ୍ତାନ

ପିତା ମାତା ବୋଝ କହେ,

ନିଜ ସୁଖ ପାଇଁ ପିତା ଓ ମାତାଙ୍କୁ

ବୃଦ୍ଧାଶ୍ରମେ ଛାଡ଼ି ଦିଏ ।

ଯେଉଁ ଲୋକଟି ତ ଅନ୍ୟର ବୋଝକୁ

ନିଜ ମୁଣ୍ଡେ ବୋହୁଥାଏ,

ବୋଝର ମାତ୍ରାଟି  ଅଧିକ ହୋଇଲେ

ଅକାଳରେ ପ୍ରାଣ ଯାଏ ।

ପର ବୋଝ ବୋହି କେହି ଜନ ଯଦି

ଜୀବନକୁ ବଳିଦିଏ,

ଜନ୍ମ ଜନ୍ମାନ୍ତରେ  ବିଭୁ କୃପା ପାଇ

ବୈକୁଣ୍ଠରେ ସ୍ଥାନ ପାଏ ।

ନିଜ ବୋଝଟିକୁ  ଅନ୍ୟ ମୁଣ୍ଡେ ଥୋଇ

କି ଲାଭ ପାଇବା ଭାଇ,

ଦୟାକରି କେହି  ନିଜ ବୋଝଟିକୁ

ଅନ୍ୟ ମୁଣ୍ଡେ ରଖ ନାହିଁ ।