ବୋଧେ ଏହା ହିଁ ସମ୍ପର୍କ
ବୋଧେ ଏହା ହିଁ ସମ୍ପର୍କ
ତୁମ ସୁଖରେ ସୁଖୀ
ତୁମ ଦୁଃଖରେ ଦୁଃଖୀ
ବିନା ପ୍ରାପ୍ୟରେ ନିଜ ଛୁଆଙ୍କ ପାଇଁ ସବୁ କିଛି କରିବା
ବୋଧେ ଏହା ହିଁ ସ୍ନେହ ।
ତୁମ ପେଟର ଭୋକ ଅବା
ତୁମ ମନର ଦୁଃଖ
ବିନା କଥାରେ ତୁମ ମନର ଅବସ୍ଥା ଜାଣି ନେବା
ବୋଧେ ଏହା ହିଁ ମମତା ।
ତୁମ ଖୁସିର ସହଭାଗୀ
ତୁମ ଦୁଃଖର ଦରଦୀ
ବିନା ସର୍ତ୍ତରେ ବିପଦେ ତୁମ ସାଥେ ସାଥେ ଥିବା
ବୋଧେ ଏହା ହିଁ ଶ୍ରଦ୍ଧା ।
ତୁମ ଆଦେଶ ତା ପାଇଁ ବେଦ ଗାର
ତୁମ ଉପଦେଶ ତା ପାଇଁ ଆର୍ଶୀବାଦ
ବିନା ଦ୍ଵିଗ୍ଧାରେ ତୁମ ପ୍ରତିଟି ନିଷ୍ପତି ସହିବା
ବୋଧେ ଏହା ହିଁ ସମ୍ମାନ ।
ତୁମ ବିଜୟରେ ଆନନ୍ଦ
ତୁମ ପରାଜୟରେ ବିଷାଦ
ବିନା ସ୍ୱାର୍ଥରେ ତୁମ ମଙ୍ଗଳ ମନାସିବା
ବୋଧେ ଏହା ହିଁ ଆଦର ।
ତୁମ ପାଇଁ ଆନ୍ତରିକତା
ତୁମ ପାଇଁ ଦୁର୍ବଳତା
ତୁମ ବିରହ ସହି ମଧ୍ୟ ତୁମକୁ ନ ଭୁଲିବା
ବୋଧେ ଏହା ହିଁ ପ୍ରେମ ।
ତୁମ ପାଇଁ ଦାନ
ତୁମ ଦୁଃଖନାଶନ
ବିନା ଚିହ୍ନାରେ ତୁମ ପାଖେ ଠିଆ ହେବା
ବଧେ ଏହା ହିଁ ସାହାଯ୍ୟ ।