ବଞ୍ଚିବାକୁ ପାସୋରିଦେଲି
ବଞ୍ଚିବାକୁ ପାସୋରିଦେଲି
ଛୋଟ ଥିଲି ବୋଲି
କେବେ ବଡ଼ ହେବି ବୋଲି ମରି ଯାଉଥିଲି
କେବେ ନିଜ ଗୋଡ଼ରେ ସାଇକେଲର ପେଡାଲ ମାଡ଼ି
ମାମୁଁ ଗାଁ ଯିବି ବୋଲି ମରି ଯାଉଥିଲି
କ୍ଲାସରେ ଟପ୍ପର ହେବି ବୋଲି
ଆଉ ମାଟ୍ରିକ ପରୀକ୍ଷାରେ କେମିତି ହେଲେ ବି
ପାସ କରିବି ବୋଲି ମରିଯାଉ ଥିଲି
କେବେ କଲେଜ ପାଠ ପଢ଼ିବି
ଆଉ ହିରୋ ପରି ବୁଲିବି ବୋଲି ମରିଯାଉଥିଲି
କେବେ କଲେଜ ପାଠ ସାରି
ଚାକିରୀ ଖଣ୍ଡେ ପାଇବି ବୋଲି ମରିଯାଉଥିଲି
ଚାକିରୀ ପରେ
କେବେ ସୁନା କନିଆଟିଏ ପାଇବି ବୋଲି ମରିଯାଉ ଥିଲି
ମୃତ୍ୟୁର ଶେଯରେ
ଆଖିଭରା ଲୁହରେ
ହଠାତ ଦିନେ ହୃଦବୋଧ କଲି
ଆରେ...
ଏ କଣ କଲି
ମୁଁ ତ ବଂଚିବାକୁ ପୁରା ପାସୋରିଦେଲି......